№64-2015г.

«Сулейман-Стальский райондин краеведческий музей» муниципальный бюджетдин карханадикай макъала кхьиз эгечIайла, зи рикIел Забит Ризванова вичин «Весида» кхьей гафар хтана: «Хайи халкьдин тарих течирди буьркьуь инсан хьиз я. Тарихни эдебият стхаяр я, - сада лагь лугьуда, муькуьда – лугьуда. Тарихди чирда, эдебиятди чирвилер виридаз пайда. Вичин тарихдикай хабар авачирди мумунихъ галай аял хьиз я. Тарих – гуьзгуь я, фад-фад адаз килиг. Тарих миллетдин лап чIехи тербиячи я. Вичин тарих якъин ва дериндай чир тахьанмаз, лезги халкьдивай дуьньядин халкьарин жергейра чка кьаз жедач».

Вахтуниз вири муьтIуьгъ я. Гьафтейри варцар, варцари йисар, абуруни асирар эвез ийиз виликди физвай вахтуни уьмуьрда, обществода вичин дегишвилер твазва. ТIебиатдин алемни, къурулушарни гьакI я. Амма вири девирриз – вахтаризни килиг тавуна асирра чпин метлеб квадар тийизвай, гьамиша герек затIар, къурулушарни ава. Абурукай сад вири вахтара гьар са уьлкве патал адан даях, къудрат тир Яракьлу Къуватар, армия я. Ингье, РФ-дин Президент В. В. Путинан Указдин бинедаллаз чи уьлкведа жегьилар армиядиз рекье тунин зулун призыв башламиш хьанва.

2015-йисан кIвалахдин пландин бинедаллаз и мукьвара С.-Стальский райондин судди 2013-2014-йисара аялар тербияламишунихъ галаз алакъалу тир гражданвилин делойриз килигунин жигьетдай суддин кIвалахдин тежриба умумиламишна.

Сулейман-Стальский район неинки камалэгьлийринни шаиррин, гьакIни ватанперес, зегьметкеш, ажайиб кьисметрин инсанрин маканни я. Райондай гзаф инсанар кьисметди патарал акъудна, анра абуру лезгидиз хас къилихар, инсанвилин ерияр хвена, чпин къанажагълувилелди, гьакъисагъ зегьметдалди гьуьрмет, кIанивал къазанмишна.