№40-2015

«Сулейман-Стальский район» муниципальный райондин Кьил Нариман Шамсудинович Абдулмуталибова и йикъара чIехи дережадин спортдин акъажунра, Россиядин, Европадин ва дуьньядин чемпионатра агалкьунар къазанмишнавай райондин спортсменар ва абурун тренерар кьабулна.

«Сулейман-Стальский район» муниципальный райондин Кьил Нариман Шамсудинович Абдулмуталибова и йикъара 1986-йисуз Чернобылдин АЭС-дал кьиле фейи авариядин нетижаяр арадай акъудуник вичин пай кутур кьуланстIалви Гьабибулагь Расулов ва адан хзан кьабулна, адав 2011-2015-йисарин федеральный тайин метлебдин «Жилище» программадин бинедаллаз яшайишдин сертификат вахкана.

29-июндиз муниципальный райондин администрациядин нубатдин заседание хьана. Ам райадминистрациядин Кьил Мегьамедханов Штибег Гьажимегьамедовича кьиле тухвана. Засединидин кIвалахда адмиинистрациядин кьилин заместителри, хуьрерин поселенийрин кьилери, райадминистрациядин отделрин начальникри, ведомствойрин ва къурулушдин хилерин руководителри, гьакIни общественностдин ва СМИ-рин векилри иштиракна.

Алай йисан гад кьадарсуз чимиди хьун, булахрин чешнейрани хъвадай цин кьадар тIимил хьун, гьа са вахтунда агьалийрин ихьтияжар хъвадай цин патахъай къвердавай артух хьун себеб яз хуьрерин агьалийрин патай райондин администрациядиз гзаф кьадар наразивилин арзаяр къвезва.

30-июндиз КIварчагърин хуьруьн жемятдин инициативадалди ина хцидаказ акъвазнавай хъвадай цин месэладиз талукьарнавай хуьруьн сход кьиле фена. Ана райадминистрациядин Кьилин 1-заместитель Лацис Оруджева, АС-дин ва ЖКХ-дин отделдин начальник Мустафа Мустафаева, хуьруьн Собранидин депутатри, общественный тешкилатрин ва СМИ-рин векилри иштиракна.

Алатай гьафтеда «Сулейман-Стальский район» муниципальный райондин администрациядин заседанийрин залда Общественный палатадин совещание кьиле фена. Тешкиллувилин месэлайриз килигай совещанидин кIвалахда муниципальный райондин Кьил Нариман Шамсудинович Абдулмуталибова, Общественный палатадин членри, хуьрерин поселенийрин кьилери, общественный тешкилатрин, районда кардик квай республиканский ва муниципальный къуллугърин руководителри, чкадин массовый информациядин такьатрин векилри иштиракна.

Гад гьарай я, лугьузва бубайрин мисалда. Гьакъикъатдани, гад тамамвилелди вичин ихтиярда гьатнавай алай вахтунда хуьруьн майишатдин карханайрин, лежбервилинни фермервилин майишатрин, арендаторрин къайгъуяр къалин жезва.

«Сулейман-Стальский районда 2014-2020-йисара багъманчивал вилик тухун» муниципальный программа кьабулуни ва кардик акатуни вичин хъсан нетижа гузвайди ашкара я. Алатай йисуз районда 15375 тонн емишар кIватI хъувуни ва 65 гектарда цIийи багълар кутуни и кардин патахъай шагьидвал ийизва.

Для ведения личного подсобного хозяйства могут использоваться земельный участок в границах населенного пункта (приусадебный земельный участок) и земельный участок за пределами границ населенного пункта (полевой земельный участок).