Главная О районе Новости Деятельность
Карта
карта
Фотогалерея
Панорамы

№41-2013г.

22.07.2013
Шарвили! И тIвар вири лезгийриз чи миллетдин ярж алай пак тIварар – Шалбуз дагъ, Шагь дагъ, Самур хьиз, аял чIавалай малум я, чида ва кIанда. Халкьдин арада «Шарвили» тIвар алай эпосни – халкьдин тарихдин важиблу вакъиайрикай чIехи эсерни – ата-бубайрин девиррилай малум я. 2000-йисалай инихъ вичиз «дагълара авай шегьер» лугьузвай къадим Ахцегьа гьар йисуз «Шарвили» эпосдин суварни къейд ийизва. Чи бубайрин руьгьдинни акьул – камалдин, инсанпересвилин ирс хуьниз, дагъустанвийрин дуствилин алакъаяр мягькемаруниз эверзавай и сувар алай йисан 29-июндизни тешкиллувилелди ва гурлудаказ кьиле фена.
22.07.2013
Ингье, кIелунин мад са-2012-2013-йисни эхирдиз атана, школайра Сад тир государстводин экзаменар вахкана акьалтI хьана. Алай йисуз райондин школаяр 741 аялди акьалтIарна. «Сулейман-Стальский район» муниципальный райондин Кьил Нариман Шамсудинович Абдулмуталибова алатай гьафтеда школаяр лап хъсан къиметар аваз акьалтIарай 24 аял кьабулна. Идаз талукьарнавай мярекатда райондин образованидин управленидин пешекарри, школайрин директорри, муаллимри, аялрин диде-бубайри, теклифнавай маса юлдашри иштиракна.
22.07.2013
Алатай гьафтеда Дагъустан Республикадин Верховный суддин председателдин заместитель Сулейманов Сулейман Мегьамедович, 2013-йисан сад лагьай паюна республикадин Верховный судди авур кIвалахдин пландихъ галаз алакъалу яз, чи райондиз атана. Ада агьалияр кьабулна, абурун дерди-баладихъ, арзайрихъ яб акална.
22.07.2013
- Хуьре Игит дидеяр шумуд ава? - и суал гайила, «село Эминхюр» поселенидин кьил Рамазан Рамазанова заз куьрелди жаваб гана: «Веледар хана, хвена, чIехи авур вири дидеяр игитар я. Эгер хуьре 10 ва адалай гзаф аялар хайи дидейрин кьадар чир хьана кIанзаватIа, абур 9 ава». Алава яз, чешнелу, гзаф аялар авай, гьуьрметлу хзанрикай яз Р.Рамазанова чаз Магьмудов Алаудинан ва Сиясатан хзандин тIвар кьуна.
22.07.2013
Гьар са халкьдихъ ам машгьурзавай чIехи тIварар, зурба бажарагъар жедайди хьиз, гьар са чилихъни адан ад виниз хкажзавай кьакьан дагълар, гурлу вацIар, тарихдинни медениятдин надир имаратар жеда.
22.07.2013
«Сулейман-Стальский район» муниципальный райондин территорияда аваданламишунин ва михьивилер авунин кIвалахар тухунин серенжемрин сергьятра аваз райондин центрадал, гзаф хуьрера хейлин кIвалахар кьилиз акъуднава, и кар давамни ийизва.
22.07.2013
Россиядин Яракьлу Къуватра намуслувилелди къуллугъзавай чи са жерге жегьилрин гьакъиндай абур авай частарин командиррилай диде-бубайрин тIварцIихъ, военкоматдиз чухсагъулдин чарар хквезвайди хьиз, эхиримжи йисара чи республикадин, Россиядин шегьеррин вузра чешнелудаказ кIелзавай чи жегьил гадайринни рушарин гьакъиндайни абуру кIелай школайрин руководителрин, диде-бубайрин тIварцIихъни разивилин хуш келимаяр авай чарар хквезва. Им шад жедай кар я.
22.07.2013
ЦIийи хзанар арадал атун, хуьрер чIехи хьун - ибур тIебии крар я . Эхиримжи йисара Кьасумхуьр иллаки чIехи хьанва, цIийи са шумуд микрорайон арадал атанва. Абурукай сад Кьасумхуьрелай СтIалрин «Пуд булахар» галайвал фенвай рекьин кьве падни тирвал арадал атанвай микрорайон я.
Поиск
OK
Подшивка за 2013 год
пн
вт
ср
чт
пт
сб
вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Яндекс цитирования ALLDAG.ru