№40-2013г.

"Халкьдин гьал -агьвал хкажун, Ватан к1ан хьун, ам душманрикай хуьз гьазур хьун -ингье и суварин асул метлебар..."

Гьар са чилихъ ам машгьурдай кьакьан дагълар, гурлу вацIар, чар булахар жедайди хьиз, гьар са халкьдихъ адан ад, намусдин таж хьиз, вине кьуна хуьзвай чIехи тIварар, зурба бажарагъарни жеда.

24-июндиз «Сулейман-Стальский район» муниципальный райондин администрациядин нубатдин заседание хьана. Ам райадминистрациядин кьилин сад лагьай заместитель Оруджев Лацис Абидиновича ачухна ва кьиле тухвана.

Ахцегь районда Шарвилидикай, манидилайни кьисайрилай гъейри, маса гзаф риваятринни ван жеда. IX-X асирра, дагълара ислам дин мягькем жедай чIавуз, диндиз къуллугъзавайбуру Шарвилидикай риваятар чпиз кIанивал элкъуьрна. Гьа икI гуьгъуьнилай ахцегьви шейх Шерифакай диндин риваят туькIуьрнай. Александр Назаревич, филологиядин илимрин кандидат.

Малум тирвал, 2013-йисан 29- июндиз къадим Ахцегьа лезгийрин «Шарвили» эпосдин сувар 14-сеферда кьиле тухуда. Адаз гьазурвилер акун яз «Сулейман-Стальский район» муниципальный райондин Кьил Нариман Шамсудинович Абдулмуталибов кьиле аваз районда 19 касдикай ибарат яз оргкомитет тешкилна ва «Шарвилидин» суварин сергьятда аваз районда тухудай серенжемрин план тестикьарнай.

Вичиз гьахълудаказ къучагърин дере лугьузвай КIварчагъ дередин хуьрерай неинки машгьур алимар, медениятдин хилен векилар, уьзуьмчияр, гьакI тIвар-ван авай спортсменарни акъатна. Чпин гьунарралди Дагъларин уьлкве яргъарани машгьур авур виликан спортсменрин кар къенин йикъара цIудралди жаванри давамзава. Дередин хуьрера боксдай, азаддаказ кьуршахар кьунай филиалар кардик ква.

Йикъалай-къуз чIехи, гуьрчег жезвай хуьрер, анра тамамарзавай хъсан кIвалахар, туькIуьрзавай рекьерни куьчеяр ва ихьтин маса крар акурла, гуьгьуьл шад жеда. Ихьтин кар-кIвалахдал хуьрерин жемятри иллаки разивал ийида. И крар райондин ва хуьрерин поселенийрин руководителри агьалийрин яшайиш, дуланажагъдин шартIар хъсанарун патал ийизва эхир.

-Кимел гьалтай агъсакъалри квез дуьз лагьана: Имам Музамудиновичахъ райцентрадилай чи хуьруьз къвезвай 3 километр рехъ неинки гьяркьуь хъувунин, гьакI гуьрчег аквадайвал безетмишунин фикир ава,-лагьана Селим Казимова.- Хейлин кIвалахар авунва, тамамарзавай, хъийиз фикирдик квай кIвалахарни ама. КIвалахар акьалтIарайла, чи рехъ вичиз тешпигь авачир хьтинди жеда.

Мукьвара Ахцегьрин хуьре 1999-2000-йисара дидедиз хьайи жаванрин арада РД-дин кIвенкIвечивал патал азаддаказ кьуршахар кьунай акъажунар кьиле фена. Ана Герейханован ДЮСШ-да вердишвилер къачузвай Сулейман Нежведилова 69 килограммдин заланвиляй приздин 3-чка кьуна.