28.01.2011
Эхиримжи йисара райондин руководстводи адан территорияда, хуьрера, рекьерин ва куьчейрин къерехра, общественный чкайра михьивилер хуьниз екез фикир гузва. И месэла са шумудра райондин администрацийрин заседанийрал, совещанийрал аватна. Са 5-6 йисан вилик авай гьалдив гекъигайтIа, гьелбетда, хъсанвилихъ са кьадар дегишвилер кьиле фенва. ЯтIани, санлай къачурла, районда михьивилер хуьнал амал ийизвай гьал разивал ийиз жедайди туш. 15-январдиз, са жерге жавабдар работникарни галаз, «Сулейман-Стальский район» муниципальный райондин Кьил, райондин депутатрин Собранидин Председатель Нариман Шамсудинович Абдулмуталибов михьивилер авай гьал ахтармишун патал са шумуд хуьруьз фини (адакай чи газетдин алатай нумрада гегьеншдиз кхьенва) и кардин гьакъиндай ачухдиз шагьидвал ийизва.