№01

11-январдиз «Сулейман-Стальский район» муниципальный райондин Кьил, райондин депутатрин Собранидин Председатель Нариман Шамсудинович Абдулмуталибов, райондин администрациядин Кьилин заместитель Савин Мирзоевич Велиев, райондин образованидин управленидин начальник Жабраил Агъамирзоевич Аслановни галаз, Кьасумхуьруьн 2-нумрадин юкьван мектебда хьана. Сифтедай абур мектебда гъвечIи классра кIелзавай аялриз тIуьнар гун тешкилнавай гьалдихъ галаз таниш хьана.

31-декабрь. Кьасумхуьр. Фадлай вирибурун вил алай ЦIийи йисан суварин вилик квай и йикъан сятдин 2 тамам жедалди кIеретI-кIеретI хьана инсанар райцентрдал виликамаз безетмишна туькIуьрнавай елкадин патав кIватI жезвай. Суварин майдандал, кьилелай ЦIийи 2011-йис мубарак ийизвай гафар кхьенвай чIехи лозунгни яна, музыкантар ва манидарар патал гъвечIи сегьнени туькIуьрнавай. Райцентрдал шад авазрин ван алай. Инсанри, чина шадвилин хъвер аваз, сада-садаз алукьзавай ЦIийи йис мубаракзавай ва хуш келимаяр лугьузвай.

Россиядин прокуратурадин йикъан вилик квай йикъара чун райондин прокурордин заместитель Акимов Фархад Замидиновичахъ галаз гуьруьшмиш хьана, адавай са шумуд суалдиз жаваб гун тIалабна.

Зегьметдин кодексдин 212-статьядихъ галаз кьадайвал, зегьмет хуьнин ва кIвалахдин хатасуз шартIар таъминарунин жигьетдай кIвалах гузвайда (работодателди) зегьметдин шартIар авай гьалдин гьакъиндай кIвалахдин чкайрин аттестация тухун лазим я.