№47

Ингье, алай вахтунда къведай йис патал газетарни журналар кхьизва. Гьелбетда, гьи газет-журнал кхьидатIа, им гьар са касдин хушунин кар я. ЯтIани, чахъ кхьин тавунвай къанунар, адетар ава. Бубайрин мисалда лугьузва: «Жуван вацI жува чIехи авуна кIанда». Чна, райондин агьалийри, сифте нубатда райондин печатдин орган, чи хабардар, чархачи ва меслятчи тир «Куьредин хабарар» газет кхьин лазим я. 60 агъзурдав агакьна агьалияр яшамиш жезвай районда газетдин тираж 1300 экземпляр хьун – им лап тIимил я.

«Фадлай малум я: виринра гьамиша бажарагълубур майдандиз акъатда, эгер абур виликди фин патал талукь тир общественный шартIар аваз хьайитIа». Г. Плеханов

Лезгийрин бажарагълу шаир ва прозаик Алибег Фатаховакай алим Агьед Агъаева лагьанай: «Алибег лезгийрин машгьур шаир я. Ам лезги литературада тамам революция (инкъилаб) тур гьакъикъатдин чи Маяковский я. Кхьинин милли литературадин бине кутун А. Фатахован тIварунихъ галаз алакъалу я».

Алай йисуз райондин хуьруьн майишатдин карханайри, КФХ-ри, арендаторри ва агьалийри 1514 гектардин майданрин гьар са гектардай юкьван гьисабдалди 16,5 центнер техил кIватI хъувуна.

Кьасумхуьрел фу чразвай ва чпин продукция туьквенрай маса гузвай са шумуд пекарня ала. И мукьвара зал «ТIанурдин фу я» лугьуз, вичив гвай ВАЗ машиндай туьквендиз фу вахкузвай са жегьил итим гьалтна.

Алай йисан 8-ноябрдиз, начагъвиликди вахтсуздаказ чи арадай хъсан инсан, чешнелу муаллим Челябов Тариверди Мегьамедович гьамишалугъ яз акъатна.

И йикъара 80 йисан яшда аваз чи арадай хъсан руководитель ва пешекар, Гьабибов Шихрагьим Оружевич гьамишалугъ яз акъатна.