Главная О районе Новости Деятельность
Карта
карта
Фотогалерея
Панорамы

№45

29.10.2010
25-октябрдиз «Сулейман-Стальский район» муниципальный райондин администрациядин нубатдин заседание хьана. Адан кIвалахда муниципальный райондин Кьилин везифаяр тамамарзавайди тир Штибег Гьажимегьамедович Мегьамедханова, администрациядин Кьилин везифаяр тамамарзавайди тир Мусаиб Гьажибалаевич Агьмедова, администрациядин управленийрин, отделрин начальникри, хуьрерин поселенийрин кьилери, школайрин директорри, организацийрин ва идарайрин руководителри иштиракна.
29.10.2010
Вуж я и чIехи тIварцIиз лайихлу хьанвай Казимет Абдулашимович ва ам и гьуьрметдиз куь лайихлу авуна? Лагьана кIанда, Цмуррин хуьряй тир Ягъибеков Абдулашим районда гзафбуруз гьуьрметлу, вичи саки 45 йисуз ветеринарный духтурвиле кIвалах авур инсан яз чида. Малум хьайивал, Казимет Абдулашиман гада я.
29.10.2010
Малум тирвал, алай йисан 1-октябрдилай чи уьлкведа жегьилар чпин хивевай ватандашвилин буржи кьилиз акъудиз Россиядин Яракьлу Къуватриз къуллугъиз эвер гунин зулун призыв башламиш хьанва. И йикъара чун Сулейман-Стальский районда авай ДР-дин военный комиссариатдин отделдин начальник Женетов Райзудин Сейфуллаевичан патав мугьман хьана ва адавай чи районда зулун призыв кьиле физвай гьалдикай ва гьакIни и кардихъ галаз алакъалу тир са жерге маса месэлайрин гьакъиндай са шумуд суалдиз жаваб гун тIалабна. Агъадихъ чна а суьгьбет гузва.
29.10.2010
Вичикай, уьмуьрда фейи рекьикай Эминхуьре яшамиш жезвай хипитIарви Къадиров Мегьамеда куьрелди икI лугьузва: «Зун зегьметчи хзанда хьана, яргъал йисара производствода кIвалах авур, гьа зегьметда жуван бахт жагъай кас я. И кардал за дамахни ийизва».
29.10.2010
Аялрин зигьин хкажунин, кьатIунар артухарунин, сифте чирвилер гунин карда школада кIелдай вахтунилай вилик квай яшдин образованидин идарайрихъ еке метлеб ава. Районда ихьтин шумуд идара кардик ква? Анра кIвалахар гьикI эцигнава? И ва маса суалриз жавабар жагъурунин мураддалди чун райондин образованидин управленидин школада кIелдай вахтунилай вилик квай яшдин образованидин идарайрихъ галаз кIвалах тухунин рекьяй кьилин пешекар С. У. Аллагьвердиевадихъ галаз гуьруьшмиш хьана.
29.10.2010
Алатай гьафтеда райондин администрацийрин заседанийрин залда «ГъвечIи ва юкьван карчивилиз государстводи куьмек гунин жуьреяр» темадай семинар-совещание кьиле фена. Адан кIвалахда Дагъустан Республикадин гъвечIи ва юкьван карчивал вилик тухунин рекьяй Комитетдин, гъвечIи карчивилин субъектар финансировать авунин фондунин, государстводин автономный идарадин, райадминистрациядин, общественный тешкилатрин векилри, карчийри ва теклифнавай маса юлдашри иштиракна.
29.10.2010
Малум тирвал, алай йисуз вичиз тIебиатдин патай еке бажарагъ ганвай, вичин уьмуьрди ва яратмишунри цуьк акъудзавайла, 25 йисан яшда аваз, цуьтхвей гъед хьиз, садлагьана чи арадай акъатай Дагъустандин Советрин литературадин бине эцигайбурукай сад тир чIехи шаир ва ватанперес Фатахов Алибег Абдулфетягьович дидеди хайидалай инихъ 100 йис тамам жезва. Вичиз гайи куьруь са уьмуьрда вичелай гуьгъуьниз яратмишунрин девлетлу ирс тунвай адан эсерар хайи халкьдиз гзаф хуш ва адан тIвар сейли я. Адан гзаф эсерар урус ва Дагъустандин маса халкьарин чIалариз таржума авунва, абур школайрин учебникра ва хрестоматийра гьатнава.
29.10.2010
Малум тирвал, 1974-йисан 30-октябрдиз Мордовиядин ва Пермдин политический дустагъра авайбуру каш гун малумарна. Гьа и югъ чи уьлкведа политический репрессийрин къурбандар рикIел хуьдай Югъ яз малумарна. Политический репрессийрин къурбандрин къайгъударвал авунин месэладиз чи уьлкведа ва гьакIни чи республикада йисалай-суз артух фикир гузва. Абурун гьакъиндай 2004-йисан 22-августдиз «О реабилитации жертв политических репрессий» Федеральный закон ва 2004-йисан 21-декабрдиз Дагъустан Республикадин Халкьдин Собраниди «О социальной поддержке жертв политических репрессий» законар кьабулна.
29.10.2010
Гьуьрметлу «Куьредин хабарар» газетдин редакция! Квез чар кхьизвайди Краснодарский крайдин Каневская станцияда яшамиш жезвай Муртазалиев Мажидин Халикьович я. За яргъал йисара, виликдай Туркменияда, гила Краснодарский крайда, шофервиле кIвалахиз гзаф йисар я.
29.10.2010
Эхиримжи вахтара Кьасумхуьруьн самбодинни дзюдодин ДЮСШ-да (директор Ю. Къурбанов) вердишвилер къачузвай спортсменри чIехи дережадин чемпионатрани турнирра къазанмишзавай хъсан нетижайри районэгьлийрик шадвал кутазва. И йикъара абуру Махачкъалада 1991-1992-йисара дидедиз хьайи жаванрин арада самбодай Дагъустан Республикадин кIвенкIвечивал патал кьиле фейи акъажунра иштиракна.
Поиск
OK
Подшивка за 2010 год
Декабрь 2019
пн
вт
ср
чт
пт
сб
вс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Яндекс цитирования ALLDAG.ru