Главная О районе Новости Деятельность
Карта
карта
Фотогалерея
Панорамы

№41

1.10.2010
«Сулейман-Стальский район» муниципальный райондин, район¬дин депутатрин Собранидин, администрациядин ва кьилди жуван патай вири ветеранриз-яшлу районэгьлийриз агьил инсанрин Виридуьньядин Югъ рикIин сидкьидай мубаракзава. Чун яшариз чIехибурув гьамиша кьетIен гьуьрметдивди эгечIиз хьайиди я. Чна жуван агьил инсанрал дамахзава, вучиз лагьайтIа, уьмуьр акунвай яшлу инсандин гьар са гаф къизилдихъ барабар я. Куьне акьалтзавай несил дуствилин, садвилин, ватанпересвилин, диде-бубадиз вафалувилин руьгьдаллаз тербияламишзава. Заз квехъ чандин сагъвал, рикIин шадвал, хушбахтвал, яргъалди тир уьмуьрар хьана кIанзава.
1.10.2010
Малум тирвал, 1994-йисуз кьиле фейи ЮНЕСКО-дин конгрессдин къарардалди муаллимрин Югъ Виридуьньядин йикъаз элкъуьрна. И югъни вири уьлквейра 5-октябрдиз къейд авун кьетIна. И кар Россиядин Президентдин махсус Указдалди тестикьарна.
1.10.2010
Йисар ва яшар – вири уьмуьрда абур сад-садахъ галаз сихдаказ алакъалу я. Йисар къвез фирдавай яшарни чIехи, гзаф жезва эхир. Ингье, 2010-йисуз Махачкъалада лезги чIалал акъатзавай общественно-политический «Лезги газетдин» 90 йис тамам жезва. 90 йис – им тIимил яни, гзаф? И суалдиз са гафуналди жаваб гун четин я. Вучиз лагьайтIа, инсандин уьмуьрда им тIимилни туш. Эгер чна тарихдиз, зурба вакъиайриз вил вегьейтIа, им гзафни я лугьуз жедач. Газет-журнал патални им са акьван гзаф яшар туш. Амма, чаз аквазва хьи, гьа и 90 йисан «яшда» лезги халкьдин хабардар, меслятчи, чархачи, руьгьдин ем тир «Лезги газет» баркаллу рехъ фена, вири и йисара ада халкьдихъ галаз, адан шадвилерикни пашманвилерик шерик яз, виликди камар къачуна, и кар давамни ийизва. И кар тайин делилралди къалурун патал заз жуван макъалада газетдин тарихдикай кхьиз кIанзава.
1.10.2010
Лугьуда хьи, аял дидедин бедендик пайда хьайивалди, Аллагьди адан патав ракъурай малаикди бицIекан пелел гележегдин хесетар, къилихар, кьадар-кьисмет, уьмуьрдин вири рехъ кхьида. Инсанрин кьилел къведай дуьшуьшар акурла, масакIа фикир ийиз хьунни мумкин туш. Мукьвара зунни уьмуьр кьисметди вичиз кIани патахъ тухузвай са дишегьлидихъ, газетдин мухбир – Вини СтIалдилай тир Исаева Ламунат Багьаудиновнадихъ галаз таниш хьана. Ада вичикай, уьмуьрдин рекьикай, кьисметдикай авур суьгьбет чна агъадихъ гузва.
1.10.2010
Чи район муаллимралди, муаллимрин хзанралди иллаки девлетлу я. Ихьтинбурукай сад Вини СтIалдал яшамиш жезвай Баламирзоев Жабиран хзан я. Ада вичи 1980-йисуз ДГУ-да биологиядин факультет акьалтIарна, направленидалди пуд йисуз Чечняда, гуьгъуьнилай Цмуррин хуьруьн юкьван школада пуд йисуз директорвиле кIвалахна, анайни Вини СтIалрин юкьван школадиз хтана, 2008-йисалди гьа и школада директорвал авуна. Алай вахтунда ам пенсияда ава. Адан уьмуьрдин юлдаш Баламирзоева Тамамата ДГУ-да филологиядин факультет куьтягьна. Ам Вини СтIалрин юкьван школада лезги чIалан тарсар гуз 36-йисан тежриба авай муаллим я.
Поиск
OK
Подшивка за 2010 год
Декабрь 2019
пн
вт
ср
чт
пт
сб
вс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Яндекс цитирования ALLDAG.ru