Главная О районе Новости Деятельность
Карта
карта
Фотогалерея
Панорамы

№40

24.09.2010
Кеферпатан Кавказ вилик фида ва и кардиз террористрин гьерекатривай манийвал гуз жедач, малумарна 6-сентябрдиз Россиядин Гьукуматдин Председатель Владимир Путина. Премьер-министрди совещание кьиле тухвана. Анал Кеферпатан Кавказдин федеральный округ социальный, экономикадин жигьетдай вилик тухунин стратегиядиз килигна.
24.09.2010
20-сентябрдиз райадминистрациядин заседанийрин залда чи баркаллу районэгьли генерал-майор Эминов Тагьир Хаирович ва ФЛНКА-дин президент, Москвада урус чIалалди акъудзавай «Лезгинские известия» аслу тушир газетдин редактор Керимов Ариф Пашаевич райондин активдихъ галаз гуьруьшмиш хьуниз талукьарнавай мярекат хьана. Ам багьа мугьманар СтIал Сулейманан райондин чилел тебрик авуналди ва абурун тIварцIихъ хуш келимаяр лугьуналди «Сулейман-Стальский район» муниципальный райондин Кьилин везифаяр тамамарзавайди тир Мегьамедханов Штибег Гьажимегьамедовича ачухна ва кьиле тухвана. Ада залда кIватI хьанвайбур атанвай мугьманрин куьруь биографийрихъ галаз танишарна, абурун лайихлувилерикай лагьана.
24.09.2010
Мисалда лугьузвайвал, вири вахтуниз килигда, амма вахт са куьнизни килигдач, ада виликди еримишда. Ингье, зулни яваш-яваш тамамвилелди вичин ихтиярда гьатзава. Ида хуьруьн майишатдин карханайрин, КФХ-рин, арендаторрин къайгъуярни артухарзава. ГьикI лагьайтIа, алайди йисан къене кIвалах авуна арадал гъанвай бегьер кIватI хъийидай, нетижаяр кьадай вахт я.
24.09.2010
70-дав агакьна кIвалер авай Куьре магьалдин Кьианрин хуьряй (1977-йисуз и хуьр Эминхуьруьз куьч хьана) тIвар-ван авай, хуьре-кIвале гьуьрмет къазанмишай инсанар гзаф акъатна: генерал-майор Мегьамед Мегьамедов, Азербайжан Республикадин лайихлу нефтяник Агьмедуллагь Гьамидов, Кьасумхуьруьн райисполкомдин председатель хьайи Яхшихалум Жабраилова, Ватандин ЧIехи дяведин 1-дережадин ва «Яру Гъед» орденрин сагьибар Мавлудин Бабаев, Гьажибала Жигеров, Рамазан Агъаханов, 15 йисуз Герейхановский хуьруьн Советдин председателвал авур Тават Хаирова, СССР-дин образованидин отличник Гьажимирзе Жигеров, Дагъустан Республикадин лайихлу артист Агъахан Агъаханов... И сиягь завай бажарагълу культуработник, музыкант, манидар Гьажибала Гьажимисриеван тIвар кхьиналди давамариз жеда. Ваъ, адахъ чIехи наградаяр, тIварар авач, я ам абурухъ галтугай касни туш. Халкьдин патай авай кIанивал, сейливал адаз вири наградайрилай багьа я.
24.09.2010
Вад агъзур йисан тарихдикай. Агьалийриз хъвадай ва майишатриз чилер дигидай цикай дарвал авай. Райондин кьилиз И.М. Яралиев хтайла, республикадин метлеб авай «Сардархуьр-ДаркІушкъазмаяр» водовод тухунин кІвалахар башламишна. ЧІехи кІвалахар ийизни алакьнава. И водоводдин к1валахар давамар хъийизва. ЧІехи вацІун яд ДаркІушрал кьван тухун патал Сардархуьруьн кьилихъай башламишна, виликан и хуьруьз гъизвай цин къанал гьяркьуь ийиз эгъуьнунин кІвалахар давамарзавай. Телевиденидин кьил Ярагьмедова Сардарахуьруьн кьилихъай икьван чІавалди чаз малум тушир къадим чІехи шегьердин дараматрин амукьаяр, Испикрин керамикадилайни къадим девирдин, гьабурулайни багьа къапар, гичинар, абур кузвай пичер, ракьун ва буьруьнждин сенятрин кІус-тикеяр жагъанвайдакай малумат гана...
24.09.2010
Вич жегьил итим ятIани, Эминхуьряй тир карчи Асаханов Тагьир Максимовича хуьр-кIвал, жемят патал хийирлу, мергьеметлу кIвалахар ийиз са шумуд йис я. Вич хъсан спортсмен тир ада жегьилар спортдал желб авуниз, жуьреба-жуьре турнирар тухуниз иллаки кьилин фикир гузва. Са тIимил вахт идалай вилик Т. Асаханова вичин пулунин такьатралди Эминхуьре са шумуд командадин иштираквал аваз азаддаказ къуршахар кьунай ва футболдай турнирар тухванай.
24.09.2010
И йикъара Махачкъалада СССР-дин Кубокдин 3-призер, СССР-дин кIвен-кIвечивал патал акъажунрин 2-призер Гьамзат Расулован гьуьрметдай чIехибурун арада дзюдодай Дагъустан Республикадин чемпионат кьиле фена. Ана 250-дав агакьна республикадин шегьеррай ва районрай атанвай спортсменри иштиракна. Абурун арада Кьасумхуьруьн дзюдодин ва самбодин ДЮСШ-да вердишвилер къачузвай Керимов Муслим, Гьасанбутаев Шейхулагь, Аскеров Руслан ва Мамеев Эмирни авай.
Поиск
OK
Подшивка за 2010 год
пн
вт
ср
чт
пт
сб
вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Яндекс цитирования ALLDAG.ru