№35

Курхуьруьн 1-нумрадин М.Рагьимован тIварунихъ галай юкьван школа районда чIехи ва чешнелу школайрикай сад я. Анин педколлективда чпихъ хъсан чирвилер, алакьунар авай ва лайихлу тIварарин сагьибар гзаф ава.

КIварчагърин хуьруьн школа районда еке тарих авай ва акьалтзавай несилдиз чирвилерни тербия гунин карда агалкьунар жезвай школайрикай сад я. Ина школади вичин кIвалах 1931-йисуз башламишна. Гьелбетда, четинвилерни тахьана амукьнач. ИкI, школа патал махсус дарамат авачир, ктабрин, герек тадаракрин патахъай кьитвал авай. Мадни, тарсар гудай муаллимар бес жезвачир. Сифте вахтара тарсар инсанрин яшайишдин кIвалера, мисал яз, Ибрагьимов Агъабеган, Сефербегов Ибремпашадин кIвалера тухузвай.

Эхиримжи вахтара социальный ва аваданламишунин, гьакIни чIехи ва гуьрчег хьунин рекьерай виликди камар къачузвай Кьасумхуьрел алай девирдин ва РФ-дин Президентдин «О создании комплексной системы безопасности на транспорте» Указдин истемишунриз жаваб гузвай автостанция алачир. И кар себеб яз Кьасумхуьрелай Махачкъаладиз, Дербентдиз, маса шегьерризни хуьрериз инсанар тухузвай «Газелар» В. И. Ленинан тIварунихъ галай майдандал кIватI жезвай. Ида анлай физ-хуьквезвай улакьриз, къекъвезвай инсанриз манийвал ийизвай. И кар фикирда кьуна «Сулейман-Стальский район» муниципальный райондин администрациядин Кьилин 201-нумрадин постановленидин бинедаллаз автостанция центрадилай ЦIийи поселокдиз, виликан «Сельхозтехника» авай чкадал хутахна. Ана эцигунрин, чиле асфальт цунин, аваданламишунин ва тадаракламишунин хейлин кIвалахар кьиле тухвана, цIийи автостанция ачухна.

Хуьруьн майишатдин гьар са хиле агъзурралди инсанри зегьмет чIугвазва. Садбуру гьа сифтедилай кьур кеспи гъиляй ахъайдач ва и рекьиз вири уьмуьр бахшзава, намуслувилелди уьмуьр кечирмишзава. Масадбуру регьят, къазанжи гзаф къведай уламрихъ галтугда. Пуд лайгьайбурун бахтуни гъида, абур еке къуллугърин, дережайрин, лайихлувилерин иесияр жеда. Кьисметар я, нивай вуч лугьуз жеда? Амма я зурба наградайрин, я еке пуларин гуьгъуьна гьат тавуна вич алай чкадал гьакъисагъвилелди зегьмет чIугвазвай инсанри ийизвай крар зурбабур тирди фикирдай акъудна виже къведач. Хуьруьн майишатдин зегьметчийри халкьдин суфра патал ризкьи арадал гъизва, продукция гьасилзава. И кар чизвайвиляй гьар са хуьре жемятри чилел зегьмет чIугвазвай, вичин кеспидив рикIивай эгечIзавай инсанриз гьуьрметни ийизва.