Главная О районе Новости Деятельность
Карта
карта
Фотогалерея
Панорамы

№30

16.07.2010
Алатай жуьмя юкъуз райадминистрацияда сад тир информациядин йикъан сергьятда аваз ДР-дин Халкьдин Собранидин депутатар тир Мегьамедов Гьамидуллагь Исмаилович ва Исакьов Сейфуллагь Бейдуллагьович райондин активдихъ галаз гуьруьшмиш хьана. Ам ДР-дин Халкьдин Собранидиз Дагъустан Республикадин Президентди рекье тур Чар гьялуниз талукьарнавайди тир.
16.07.2010
Малум тирвал, алай йисан октябрдин 14-далай 27 дал кьван Вирироссиядин агьалийрин перепись тухун кьетIнава. И кар патал гьеле йис виликамаз вири районра, гьа жигьетдай яз чи райондани, «Дагестанстат» управленидин векилар тестикьарнава.
16.07.2010
ТIебиатдин къанун я: са куьнизни килиг тавуна, вахтуни виликди еримишда. Гьар са вахтунихъни вичиз хас лишанар, вичин кьетIенвилер ава. Ингье гадни тамамвилелди вичин ихтиярда гьатнава. Ида хуьруьн майишатдин карханайрин, зегьметчийрин къайгъуярни артухарнава.
16.07.2010
«Гад гьарай я!» - гьахълудаказ лагьанва халкьдин мисалда. И кар Курхуьруьн арендаторри, лежбервилинни фермервилин гъвечIи майишатрини дериндай аннамишнава. ГьакI хьайила, магьсулдарвилел машгъул тир С. Шайдаев, Т. Сийибулаев, А. Жаватов, М. Султанов, Н. Саругъланов, В. Саругъланов, А. Шихжамалов ва масабур гад вахтунда агудунин къайгъуйрик ква.
16.07.2010
Ингье, зулун кьил алай магьсулрин бегьерар кIватI хъийидай жавабдар вахтни алукьнава. Районда гад агудунин еришар къвердавай йигин жезва. Алай йисан июнь-июль варцара райондин госпожнадзордин отделениди чи райондин сергьятда авай хуьруьн майишатдин карханайра (МУСП, ГУП, КФХ) цIаяр кьуникай хуьн тешкилнавай гьал ахтармишзава. Гзаф майишатрин руководителар и кардив жавабдарвал гьисс авуналди эгечIзава.
16.07.2010
Малум тирвал, 20-23-июндиз Кьасумхуьрел «Родные языки в системе общего образования в условиях нового образовательного законодательства Российской Федерации» темадай гегьенш семинар кьиле фена. Адан гьакъиндай чна чи газетдин алатай нумрада кхьенай. Къенин нумрада чна чи газет кIелзавайбурун фикирдиз а семинардал гайи теклифрин, адан важиблувилин гьакъиндай райондин сайтда ганвай материал гъизва (текст гзаф терминар урус чIалай лезги чIалаз таржума авурла гъавурда четиндаказ акьазвайди фикирдиз къачуна урус чIалалди гузва).
16.07.2010
Сулейман-Стальский райондин хуьрерай такабурлу ва камаллу лезги халкьдин, берекатлу Лезгистандин чилин ад яргъарани машгьур авур кьегьал рухваярни баркаллу рушар гзаф акъатна. Гьа ихьтинбурукай садакай – вичин ери-бине Вини СтIалрин хуьряй тир юридический илимрин кандидат, Москвада «Актион-Медиа» ЗАО-дин орган яз акъатзавай «Уголовный процесс» журналдин кьилин редакторвиле кIвалахзавай Ислам Рамазановакай мукьвара зав винистIалви, яргъал йисара райПО-да жавабдар къуллугъар авур Роберт Жабраилова делилар ва «Уголовный процесс» журналдин са шумуд нумра агакьарна.
16.07.2010
Са хуьре гзаф акьуллу, къени къилихрин жегьил яшамиш жезвай. Ада гьамиша, кисна вичелай чIехибурухъ, абурун келимайрихъ яб акалдай. Са сеферда камалэгьлийрикай сада адаз суал гана: «Чан хва, вун гьамиша вучиз кисзава? Рахан вучиздач» Жегьилди жаваб гана: «Заз инсанри тийижир кардикай суал гуникай кичIе я». И келимайрин камаллувал адакай ибарат я хьи, вун ягъун тавунвай месэлайрикай ихтилатар кудмир.
 
1
2
 
Поиск
OK
Подшивка за 2010 год
пн
вт
ср
чт
пт
сб
вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Яндекс цитирования ALLDAG.ru