Главная О районе Новости Деятельность
Карта
карта
Фотогалерея
Панорамы

№28

2.07.2010
26- июндиз къадим Ахцегьа 11- сеферда игитвилин «Шарвили» эпосдин сувар кьиле тухвана. Гьар йисуз июндин эхиримжи киш юкъуз къейдзавай, милли тарих, меденивал, мурадарни къастар, такабурвални къанажагълувал успатзавай и жанлу вакъиа халкьдин бейнида акI дурумлудаказ гьатнава хьи, Кьиблепатан Дагъустандин халкьарин ватанперес векилар лап яргъарайни чпин рикIин эмирдалди Ахцегьа кIватI хъижезва. Лезги халкьар хъсан крарал тупламишунал, абур руьгьдин жигьетдай мягькем ва девлетлу авунин, дуствилинни садвилин, ислягьвилинни ватанпересвилин мана- метлебдин «Шарвилидин» сувар, гьакъикъатдани, вичиз тешпигь авачир хьтин чIехи вакъиадиз элкъвенва.
2.07.2010
28- июндиз «Сулейман-Стальский район» муниципальный райондин администрациядин нубатдин заседание хьана. Адан кIвалахда МР-дин кьилин везифаяр тамамарзавайди тир Штибег Гьажимегьамедович Мегьамедханова, райондин депутатрин Собранидин председателдин заместитель Нариман Шамсудинович Абдулмуталибова, администрациядин управленийрин ва отделрин начальникри, хуьрерин поселенийрин кьилери, карханайрин ва организацийрин руководителри, теклифнавай маса юлдашри иштиракна.
2.07.2010
ТIебиатдин шартIариз килигайла чи районда багъманчивал вилик тухудай, емишрин бул бегьерар гьасилдай вири жуьредин мумкинвилер ава. Алатай асирдин 70-80-йисара багъманчивили райондин экономикада кьилин чкани кьазвай. Тек са Герейханован тIварунихъ галай совхоздихъ 700 гектардилай виниз багълар авай.
2.07.2010
Алай йисан 20-23-июндиз чи районда «Родные языки в системе общего образования в условиях нового образовательного законодательства Российской Федерациии» темадай семинар кьиле фена. Европадин Советдин гуьзчивилик кваз ва саналди тир пландин бинедаллаз кьиле тухузвай и мярекат тешкилайбур «Институт национальных проблем образования» коммерческий тушир автономный организация, Россиядин образованидинни илимдин министерстводин образование вилик тухудай федеральный институтдин образованидин милли месэлайрал машгъул центр ва «Сулейман-Стальский район» муниципальный тешкилат тир.
2.07.2010
Тамар куни адан майишатдиз еке зиянар гузва. Им гзафни гзаф инсанрилай аслу я. ЦIай кумаз чилел гадарай спичкадин кьалунилай, пIапIрусдин кьа-тIунилай, ачух чкадал хъувунвай цIаяр михьиз хкадар тавурла, къадагъа авунвай чкайрал цIаяр хъувурла, тамар кузвай дуьшуьшар арадал къвезва.
2.07.2010
Эхиримжи йисара чи уьлкведа ва республикада бязи къуллугъчийрин жавабдарсузвилин нетижада цIаяр кьуникай хуьнин серенжемрал амал тавун себеб яз, гьайиф хьи, школаяр, школадиз фидай яшар тамам тахьанвайбуруз тербия гудай идараяр цIай кьуна кунин, материальный ва руьгьдин жигьетдай еке тир зиянар гунин дуьшуьшар гзаф жезва.
2.07.2010
Алай аямдин духтурри ва биологри инсандин уьмуьр яргъи авун патал гзаф зегьмет чIугвазва. Амма инсанри чпин беден тембекдалди зегьерламишзава. Тенбекдин ватан Кубада авай Табаго тIвар алай дере яз гьисабзава. Гьа дередай и набатат вири дуьньядиз чкIана. 1497-йисалай башламишна, Америкадай гзаф кьадарда тенбек Европадиз къвез хьана. Гьа са вахтунда ам чIугвазвайбурун кьадарни къвердавай гзаф жез башламишна.
2.07.2010
И йикъара Краснодарский крайдин Каневская станицада азаддиз кьуршахар кьунай 1993- 1994- йисара дидедиз хьайи жаванрин арада Россиядин кIвенкIвечивал патал акъажунар кьиле фена. Ана Россиядин са шумуд региондай атанвай 300-дав агакьна спортсменри иштиракна. Къизгъиндаказ кьиле фейи акъажунра Герейхановский ДЮСШ- дин тренер- преподаватель Алдыров Русланан гъилик вердишвилер къачузвай Багъишев Кемрана 54 килограммдин заланвиляй приздин 3- чка кьуна. Адаз РФ- дин образованидин ва илимдин министерстводин Гьуьрметдин грамота, медаль, пишкешар гана. Къейд ийиз кIанзава хьи, К.Багъишев кьуршахар кьунал машгъул жез 6- йис я. И девирда ада са шумудра Кьасумхуьрел, Белижда, Герейханован хуьре, Дербентда ва масанра тухвай турниррани чемпионатра кIвенкIвечи чкаяр кьуна.
Поиск
OK
Подшивка за 2010 год
пн
вт
ср
чт
пт
сб
вс
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ALLDAG.ru