Главная О районе Новости Деятельность
Карта
карта
Фотогалерея
Панорамы

№27

25.06.2010
Эхиримжи кьве агъзур йисуз чи хейлин суварар лезгийриз хас туширбур хьана. Къафкъаздин Алпан пачагьлугъда, лезгийрин уьлкве чукIуриз алахъай хашперес мавгьуматди са цIуд кьван суварар туна, гуьгъуьнлай са агъзур кьван йисар алатайла лезгийриз мусурман иман ибадат авун кьисмет хьана. Къени и диндиз чна ибадат ийизва, гьар йисуз сив хуьнин сувар, къурбанд сувар тухузва. Мумкин я гьеле и кьве имандилай вилик лезгийрин арада персиянривай къачур ЦIун суварни къейд ийиз хьун. Лезги халкьди Яран сувар къейддайла цIаярилай хкадаруналди чеб чпик квай гунагьрикай михьи авунни белки адахъ галаз алакъалу тир жеди. Лезгийрихъ гъвечIи, гуьтIуь милли суварарни ава. И жигьетдай Ахцегьарни чешне яз къалуриз жеда. Тахминан гьар йисан гатфарихъ дагълар цуькламиш хьайи береда ахцегьвийри Цуькверин сувар къурмишзава.
25.06.2010
Лезги халкьдиз руьгьдин рузи ва къуват гузвай чIехи ва мидаим пуд ярж (символ) ава: Шалбуз дагъ, Кьулан вацI ва Шарвили. Ибур чи миллетдин пуд даях я. Пуд кIвач квай куьсруь гьинал эцигайтIани ярх жедач. Чи халкьдивай тарихдин мичIи даркалрайни буьркьуь уламрай вичин чIални, чилни руьгьдин садвал хвена экъечIиз хьунин сирни гьа и пуд «кIваче» ава жеди.
25.06.2010
«Шарвили» эпосдин сувар кьиле тухуз вири Дагъустандин пипIерай азиз мугьманри Ахцегьиз рекьер атIуз цIи 11 йис тамам жезва. Еке вакъиа патал им еке тарих, еке мензил туштIани, халкьди ам ашкъидивди кьиле тухузва.
25.06.2010
Къадимлу лезги халкьдихъ адан аслу туширвал хуьн патал кьиле фейи женгера игитвилин халис чешнеяр хьайи кьегьалар, къуватлу пагьливанар вири девирра хьайиди я. Абурун кар къе спортдин майданрал чпин гьунарар къалурзавай, лезги халкьдин, лезги чилин ад хкажзавай спортсменри давамзава. ГьикI лугьудач кьван машгьур боксер, агъастIалви Альберт Селимов Шарвилидин неве я лагьана?!
25.06.2010
И йикъара Къизилюрт шегьерда 1994-1996-йисара дидедиз хьайи жаванрин арада Имам Шамилан гьуьрметдай дзюдодай Вирироссиядин турнир кьиле фена. Россиядин гзаф регионрай, гьакIни Азербайжандай атанвай спортсменрихъ галаз, турнирда Кьасумхуьруьн самбодинни дзюдодин спортдин школадин 5 тербиячидини иштиракна. Дуьньядин чемпионар, тренерар тир Рамазан ва Тельман Къурбановрин гъилик вердишвилер къачузвай Муслим Керимовахъ и турнирда иллаки хъсан нетижа хьана. 66 килограммдин заланвиляй ада 1-чка кьуна. Ам ДР-дин спортдин ва физический культурадин министерстводин 1-дережадин Дипломдиз, медалдиз, махсус пишкешдиз лайихлу хьана.
Поиск
OK
Подшивка за 2010 год
пн
вт
ср
чт
пт
сб
вс
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ALLDAG.ru