№25

Аялар хуьнин международный йикъаз талукь яз Кьасумхуьрел алай хзанриз ва аялриз социальный жигьетдай куьмек гудай Центрада «Аялвал- им сувар я» лишандик кваз утренник кьиле тухвана. Аниз етимар тир, набуд, гьакIни гзаф аялар авай ва тIимил таъмин хзанрай тир 50 аялдиз, гзаф аялар авай дидейриз теклифнавай.

И йикъара Ставрополь шегьерда азаддаказ кьуршахар кьунай Вирироссиядин мастерский турнир кьиле фена. Чи райондин са шумуд спортсмен гваз аниз фейи Герейхановский ДЮСШ-дин тренер, Къазахстан Республикадин лайихлу тренер Абдулнасир Мегьамедкеримова чаз лагьайвал, турнирда Дагъустандай, Ингушетиядай, Осетиядай, Карачаево-Черкессиядай, Адыгеядай, Ставрополдин, Краснодардин крайрай ва Россиядин маса регионрай атанвай 23 йисал къведалди яшда авай 300- дав агакьна спортсменри иштиракна. Чпин заланвилин категорийрай 1-чка кьурбуруз РФ-дин спортдин мастервилин тIварар гузвай. Гьавиляй турнирда акъажунарни къизгъиндаказ кьиле фена.