№24

Эминхуьряй тир карчи Асаханов Тагьира мукьвара хуьре азаддаказ кьуршахар кьунай ва футболдай гзаф командайрин иштираквал аваз турнирар кьиле тухвана. Тафаватлу хьайи спортсменриз ва командайриз пулар, къиметлу пишкешар гана. Ихьтин баркаллу кардай хуьруьнвийри Т. Асахановаз чухсагъул лагьана.

6-8-майдин йикъара Москвада 1996-1997-йисара ханвай жаванрин арада ушу-саньдадай Россиядин турнир кьиле фена. И турнирда чи райондин 1-нумрадин ДЮСШ-дин тербиячи (тренер Н. Къурбанов) Пирмегьамедов Мегьамеда иштиракна. Ина ада вичихъ хъсан гележег авайди къалурна. ИкI, Пирмегьамедов Мегьамеда (60 кг.) вичихъ галаз бясиниз экъечIай вири спортсменрин винел гъалибвал къачуна ва ам 1-чкадиз лайихлу хьана. Адаз гьуьрметдин грамота, медаль ва маса пишкешар гана. Спонсорвилин куьмек райадминистрацияди, ДЮСШ-дин руководстводи гана.