Главная О районе Новости Деятельность
Карта
карта
Фотогалерея
Панорамы

№16

9.04.2010
Ассаламаллейкум, гьуьрметлу мусурман стхаяр, вахар! Адет тирвал, жуьмя йикъан купIунин вилик имамри са 15-20 декьикьада Мегьамед Пайгъамбардин /с.а.с/ уьмуьрдикай, диндин истемишунрикай, абурукай акьалтзавай несил тербияламишунин рекье авай еке менфятлувиликай, уьмуьрда мусурманрин арада гьихьтин михьи алакъаяр хьана кIандатIа вяз-насигьат кIелзавайди я. 2-апрелдин жуьмя юкъуз райондин имам Рустамов Рамазан-гьажиди Кьасумхуьруьн мискIинда, адан заместитель- ЦIийи хуьруьн мискIиндин имам Абдулмуталибов Шамсудин-гьажиди и мискIинда МОСКВАДИН МЕТРОДА ва КЪИЗЛЯРДА террористри чпи гьазурнавай яракьар хъиткьинарна гайи зиянриз ва са тахсирни квачир агьалиярни милициядин къуллугъчияр телеф хьуниз талукьарна.
9.04.2010
Эхиримжи йисара чи халкь уьлкведин жуьреба-жуьре регионра жезвай терактрин шагьидар хьана. Алай йисан 29-мартдиз пакамахъ кьве террористкади Москвадин метродин «Лубянка» ва «Культурадин парк» станцийрал хъиткьинардай шейэр кардик кутуна. Хъиткьинарунин нетижада, СМИ-дин такьатри хабар гузвайвал, 39 кас телеф хьана. 70-касдилай виниз хирер хьана.
9.04.2010
Мукьвара вичин 90 йисан юбилей къейд ийидай Агъа-СтIалрин хуьряй тир агъсакъал Къазимегьамедов Гьажимегьамедани вич фейи уьмуьр рикIел хкизва. Уьмуьрда укIуь-цуру гзаф акуна адаз. Четинвилер, азиятарни тIимил акунач, хъутIалрани хьана ам. РикI шадардай, сивел хъвер хьайи вакъиаяр, йикъарни тIимил туш.
9.04.2010
И мукьвара кIвалахдин рекьяй зун Герейханован сад лагьай отделенидиз акъатна.Кьисметди зун зи хъсан са яр-дустунин кIвализ акъудна. Хваш-беш авурдалай кьулухъ зи вил залдин цлал куьрсарнавай чIехи са шикилда акьуна: анал советрин аскервилин формаяр алаз вад жегьил акъвазнавай. Завай кIвалин иесидивай хабар кьун тавуна акъвазиз хьанач: «Алаудин муаллим,и шикилда авай советрин аскеррин формаяр алай жаванар вужар я?» Ада сивел хъвер алаз жаваб гана: «Ваз анай ви дуст кьванни чир хьаначни? Кьулухъ галай жергеда офицердин форма алайди зун, зи къвалав акъвазнавайди рагьметдиз фенвай чIехи стха Къайсудин, вилик жергеда авайбур гъвечIи стхаяр Агъадаш, Рафик ва Федик я. И шикил Агъадаш стхади Нальчикда туькIуьрна чи виридан патай рагьмет хьайи дахдиз ядигар яз пишкешнай, вучиз лагьайтIа чаз чизвай:вичин вири рухвайри армиядин жергейра къуллугъ авуна лугьуз дахди гзаф дамахдай. Ватан хуьн ада гьар са касдин пак буржи яз гьисабзавай».
9.04.2010
Чи редакциядиз тIебиатдин газ ишлемишзавай агьалийрилай, чпи кайи газдин гьакъи гьар вацра ва вахт-вахтунда гузватIани, са шумуд агъзур манатдин буржар галама, тагайтIа, газ атIуда ва я суддал а гьакъи вахчуда лугьуз чарар хквезвайдан, са бязибуруз гьукуматди тайинарнавай кьезилвилерални дуьз амал тийизвайдан гьакъиндай арзаяр къвезва.
9.04.2010
И кар квез герек ава лугьудайбурни хьун мумкин я. И кардин кьилин себеб кIвалах авай гьалдин ва зегьмет хуьнин жигьетдай гъакъикъи информация къачун я. Зегьметдин кодексдин 212-статьядихъ галаз кьадайвал, зегьмет хуьнин ва кIвалахдин хатасуз шартIар таъминарунин жигьетдай кIвалах гузвайда (работодателди) зегьметдин шартIар авай гьалдин гьакъиндай кIвалахдин чкайрин аттестация тухун лазим я.
9.04.2010
Малум тирвал, чи уьлкведин маса чкайра хьиз, Дагъустандани милли чIалар хуьниз ва вилик тухуниз къвердавай артух фикир гузва. Им тIебии карни я. Вучиз лагьайтIа, алай вахтунда дуьньядал алай гъвечIи халкьар, сад-садан гуьгъуьналлаз терг жезва, яни тарихдин сиягьдай акъатзава. Абур ихьтин кьисметдал атунин себебни сифтени-сифте чпин чIалакай магьрум хьун я. Вичин дидед чIал амачирди ам халкь туш, ам чкIида. И месэла гзаф миллетринди тир Дагъустандани хцидаказ вилик акъвазнавай месэлайрикай сад хьуниз килигна, ина гьар са миллетдин чIал, кьетIенвилер хуьн патал жуьреба-жуьре серенжемар кьабулзава. И жигьетдай яз чи Республикада гьар йисуз тухузвай «Йисан хайи чIалан лап хъсан муаллим» конкурс ва хайи чIаларай тухузвай кIелзавай аялрин олимпиадаяр къалуриз жеда.
9.04.2010
И йикъара Чехиядин Усти-над-Лабем шегьерда боксдай международный «Гран-При» турнир кьиле фена. Россиядин хкянавай командадик кваз 60 килограммдин заланвиляй рингдиз чи районэгьли Альберт Селимов экъечIна. Кьуд спортсмендин винел гъалибвал къачур ам финалдиз акъатна. Гьайиф хьи, къизгъиндаказ кьиле фейи женгина Къазахстандай тир 2007-йисан дуьньядин чемпион Самат Башеноваз 8::4 баллрин гьисабдалди кумукьай А. Селимова 2-чка кьуна, ам гимишдин медалдиз лайихлу хьана.
Поиск
OK
Подшивка за 2010 год
пн
вт
ср
чт
пт
сб
вс
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ALLDAG.ru