№05

Вахтуни, са куьнизни килиг тавуна, виликди еримишзава – им тIебии кар я. Вахтунихъ галаз гзаф крар, къурулушар, гьатта обществоярни дегиш жезва. Ингье, чи уьлкведани демократвилин общество арадал гъиз 10 йисалай виниз я. Уьлкведа, обществода, инсанрин уьмуьрда дегишвилерни кьиле физва. Гьайиф хьи, са бязи крари, вакъиайри – инсанар ягъиз кьини, дараматар, поездар, самолетар хъиткьинаруни, терроризмди, коррупция гегьенш хьуни ва ихьтин маса кIвалахри инсанрик секинсузвал, къалабулух кутазва.