№03

12-ЯНВАРЬ РФ-ДИН ПРОКУРАТУРАДИН ЮГЪ Я

13-ЯНВАРЬ РОССИЯДИН ПЕЧАТДИН ЮГЪ Я

ЦIийи йис алукьдалди вилик, 31-декабрдин нянихъ, Кьасумхуьруьн майдандал хъсандиз безетмишна туькIуьрнавай елкадин патав 2010-йис алукьуниз талукьарнавай шадвилин мярекат кьиле фена. Тайинарнавай вахт хьайила, яни нянин сятдин 3 тамам жедайла, кIеретI-кIеретI хьана гзаф инсанар елкадин патав кIватI хьана. Райондин Культурадин Дворецдин музыкантри язавай лезги авазар кьуд патаз чкIизвай.

Ингье акуна-такуна мад са йис акъатна. Адет тирвал, ЦIийи йис алукьайла, гьар са тешкилатди, карханади, майишатди ва кьилдин ксарини алатай йисан нетижаяр кьада, алукьнавай йисан планар туькIуьрда. Гьа икI чи райондин печатдин орган тир «Куьредин хабарар» газетдини алатай девирдиз сейр ийизва, гележегдин крарикай фикирзава.

Малум тирвал, алукьнавай цIийи 2010-йис чи уьлкведа муаллимдин Йис яз малумарнава. Им тIебии карни я. Вучиз лагьайтIа, вичин хиве чи экуь гележег тир аялриз кIелиз-кхьиз чирзавай, бубавилин тербия гузвай, абурук гъвечIи чIавалай чIехидаз, диде-бубадиз гьуьрмет авунин, зегьмет, хайи Ватан кIан хьунин, тIебиат, гуьзелвал хуьнин гьиссер кутазвай муаллимдин зегьмет чIехиди ва важиблуди я. Муаллимдин зегьметдиз вири вахтара вири чкайра еке къимет гуз хьайиди я, ва алай вахтундани гузва. «Образование» милли проект и кардин ачух шагьид я.

ЦIийи поселокдин юкьван школада кIелзавай йисара Разаханов Нисредина тренер Гьажибалаев Гьажибаладин гъилик азаддиз кьуршахар кьунай вердишвилер къачуз башламишнай. Са шумудра ада районда ва Кьиблепатан Дагъустанда тухвай хейлин турнирра кIвенкIвечи чкаяр кьунай. 2007-йисуз Н. Разаханов Адыгейдин государстводин университетдин юридический факультетдик экечIна. Ина спортдал рикI алай дагъви гада самбодал ва ушудал машгъул хьунал элячIна, спортдин и жуьрейрай Адыгея Республикада ва Кьиблепатан Федеральный округда тухвай чемпионатрани турнирра гъалибвилер къачуна.