№48

Вичин бине Хъартасрикай тир ва диде-бубадихъ галаз куьч хьана ЦIийи поселокда яшамиш жезвай жегьил руш Тават сифте Кьасумхуьрел ахъагъай «Красный Крестдин» ва «Красный полумесяц»-дин медсестравилин курсариз гьахьна.

Мукьвара Махачкъалада Дагъустан Республикадин кIвенкIвечивал патал 23 йисал къведалди яшара авай жегьилрин арада самбодай чемпионат кьиле фена. Ана Кьасумхуьруьн самбодинни дзюдодин ДЮСШ-да вердишвилер къачузвай са шумуд спортсмендини иштиракна. РФ-дин спортдин мастервиле кандидат Рамиз Султанова вичин къаршидиз экъечIай 4 касдин винел гъалибвал къазанмишна ва приздин 3-чка кьуна. Адаз ДР-дин спортдин ва физкультурадин министерстводин 3-дережадин Диплом, къиметлу пишкеш гана.

Дуьньядин сообщество патал цIийи душман пайда хьанва. Ам хаталуди, инсафсузди ва фендигарди я. Адан тIварни терроризм я. Ам чакай гьар садав агатзава. Гьуьрметлу дагъустанвияр, квевай терроризмдихъ галаз женг чIугунин карда куьмек гуз ва са тахсирни квачир инсанар телеф хьунин вилик пад кьаз жеда. И мураддалди квевай шак къвезвай крарикай, агьвалатрикай агъадихъ галай телефонрай хабар гуз жеда: 67-96-97, 67-52-17. ТIвар раиж тавун заминламишзава.

И йикъара 73 йисан яшда аваз чи арадай бажарагълу руководитель, вичин вири савадлу уьмуьр акьалтзавай несилдиз чирвилер ва тербия гунин баркаллу кардиз бахш авур тежрибалу пешекар, Дагъустандин лайихлу муаллим, адалатлу хзандин кьил ва хъсан инсан Шагьмирзоев Шагьмирзе Абдурашидович гьамишалугъ яз акъатна.