№24

23-май. Инин юкьван школадал пакамахъай музыкадин ван алай. Сятдин 9 тамам жедайла анин гьаятда авай чIехи майдандал гъилера цуькверин кIунчIар, чина шадвилин хъвер авай, суварин къайдада алукIна, хъуьчIериз «Выпускник – 2009» гафар кхьенвай яру лентер вегьенвай 11-классар кIелна куьтягьзавай выпускникар, 1-классрин аялар, абурун диде-бубаяр, муаллимар ва и мярекатдиз теклифнавай маса мугьманар кIватI хьана.

Пакаман сятдин 9 даз, 1-классдин, гьакIни выпускной классрин аялар «Выпускник-2009» гафар кхьенвай лентерни къуьнуьз вегьена, чпин классрин руководителарни кьиле аваз, школадин гьаятда шадвилин линейкада акъвазна.

Лезги поэзиядин классик Етим Эминан тIвар алай хуьруьн юкьван школада 2008-2009-кIелунин йис акьалтIаруниз талукьарнавай шадвилин мярекат хъсан тешкиллувал аваз кьиле фена. Анал рахай школадин директор Р. Османова къейд авурвал, алай кIелунин йисуз школада 500-дав агакьна аялри чирвилер ва тербия къачуна.

И йикъара Кьасумхуьрел дзюдодай райондин ачух чемпионат кьиле фена. Ана 150-далай виниз жегьил спортсменри иштиракна. Къизгъиндаказ кьиле фейи акъажунра 1-чкаяр кьуналди, агъадихъ галай спортсменрикай райондин чемпионар хьана:

И йикъара чал мад са шад хабар агакьна: мукьвара Чехиядин Усти-над-Лабема шегьерда кьиле фейи международный турнирда чи баркаллу районэгьли, боксдай дуьньядин ва Европадин чемпион Альберт Селимова 60 килограмм заланвал авай спортсменрин арада 1-чка кьуна ва ам къизилдин медаль гуниз лайихлу хьана.

Вичиз гьахълудаказ къуччагърин дере лугьузвай КIварчагъ дередин хуьрериз гьар сеферда командировкадиз фидайла зи гуьгьуьлар ачух жеда. ТIебиатди гуьзелвал ганва дередиз! Амма, зи фикирдалди, анин виридалайни чIехи девлет мерд рикIер авай, зегьметдал рикI алай, мугьманперес инсанар я. Гьар иниз мугьман хьайила зи ярар-дустарин, танишрин кьадар артух жезва.

И йикъара райондин хуьруьн майишатдин управленида хуьруьн майишатдин пешекаррихъ галаз координационный совещание кьиле фена. Ам управленидин начальник Мегьамедзагьид Мегьамедсадикьович Бабаева кьиле тухвана. Анал хуьруьн майишатдин набататрин зиянкар гьашаратрихъ ва азаррихъ галаз женг тухунин месэла веревирдна.

25-майдиз «Сулейман-Стальский район» муниципальный тешкилатдин администрациядин нубатдин заседание кьиле фена. Адан кIвалахда райондин администрациядин управленийрин, отделрин, къуллугърин руководителри, хуьрерин поселенийрин кьилери, теклифнавай маса юлдашри иштиракна.

И йикъара Кьасумхуьруьн ДЮСШ-дин залда СтIал Сулейманан 140-йисаз талукьарна волейболдай турнир кьиле фена. Ана райондин хуьрерин 8 командади иштиракна. Кьве юкъуз къизгъиндаказ кьиле фейи акъажунра кьуд команда полуфиналдиз акъатна.

Набиев Райсудин тийижир кас неинки хайиди тир Курхуьрел, гьатта райондани белки авач жеди. ГьикI лагьайтIа, асул гьисабдай вичин пеше тир муаллимвиле кIвалахзаватIани ( и рекье адахъ 45 йисан стаж жезва) ам тежрибаллу мухбир-журналистни я. Республикадин ва райондин газетрихъ галаз адан фадлай сих алакъаярни ава.