«Куркент» тIвар алай лежбервилин майишатдин магьсулдарри ва хуьруьн арендаторри 260 гектардай гад агудна акьалтIарна. Гьар са гектардай, юкьван гьисабдалди, 17-19 центнер техил кIватIна. Цик квачир никIерай и кьадар техил кIватI хъувурди фикирда кьуртIа, им пис нетижа туш.
Ина къведай йисан бегьердин бине кутуникайни къемаз фикирзава. И кар патал гад агудай никIера ва чIурухъан чкайра цанар цазва. Куьруь са вахтунда «Куркент» майишатда 100, арендаторар тир Шайдаев Сефербега 10, Саругъланов Нарима 33 гектарда цанар цанва.