Сулейман-Стальский район Республики Дагестан
www.old.suleiman-stalskiy.ru

Дишегьлийрин суварин гьуьрметдай

ЦБС. 6-март
Райондин центральный библи-отечный системадин центрдал алай библиотекадин кIелдайбурун залда кьиле фейи  8 мартдин суварин мярекатдани чи райондин жуьреба-жуьре хилера намуслувилелди кIвалахзавай ва кIвалах авур са жерге дишегьлийриз теклифнавай.
Гьар няметрив безетмишнавай столрихъ ацукьнавай дишегьлийриз чпин сувар рикIин сидкьидай мубарак авуналди ва хуш келимаяр лугьуналди, и межлис ЦБС-дин директор Людмила Мегьамедрасуловади ачухна.
Анал тебрикдин гафар гваз аниз теклифнавай райондин культурадин ва информациядин управленидин началь-ник Рамазанов Тажидин АбдулнетIифо-вич рахана.
И межлис кьиле тухузвайди тир шаир ва журналист Абидин Камилова гьар са дишегьлидиз талукь келимаяр, тебрикдин гафар лугьуз, сад-садан гуьгъуьналлаз, райондин суддин мировой судья Алиева Тамамат Алиевнадиз, гзаф йисара райбольницада кIвалах авур зегьметдин ветеран Селимова Маисат Абиловнадиз, Кьасумхуьруьн участковый духтур Исмаилова Джульетта Бадрудиновнадиз, вичи гзаф йисара культурадин хиле кIвалах авур машгьур манидар Дагъустандин культурадин лайихлу работник Бесхалум Гьажиевадиз, гзаф йисара райондин библиотекайрин системада кIвалах авур Маллаева Изминадиз, УОС-дин кьилин бухгалтер Ярагьмедова Назлухалумаз, кIвалин кайванияр – зегьметдин ветеранар тир Насруллаева Саниятаз, Жабраилова Баниятаз, Бутаева Гуьлуьмагъадиз ва масабуруз гаф гана.
Абуру, тебрикдин хуш келимайрихъ галаз сад хьиз, чеб икI саймиш авунай, чпин гьуьрметдай ихьтин межлис къурмиш авунай библиотекадин къуллугъчийриз чухсагъул лагьана.
Абурун рахунрин арайра гьевескар манидарар тир Навруз Исабегова, Бесхалум Гьажиевади ва масабуру чпин манийралди межлис мадни гурлу авуна.
Библиотекадин къуллугъчийри и суварин межлис рикIел аламукьунин мураддалди аниз теклифнавай дишегьлийриз къиметлу савкьватар гана.
 

Адрес статьи: http://old.suleiman-stalskiy.ru/?com=articles&page=article&id=914