Сулейман-Стальский район Республики Дагестан
www.old.suleiman-stalskiy.ru

КIвалах гъиле кьуна

Курхуьр районда  чIехи ва тарих авай хуьрерикай сад я. И хуьряй са кьадар алимар, къуллугъчияр ва жегьил спортсменар акъатайди я. Алай вахтундани  и хуьре спортдал рикI алай жегьилар тIимил авач. Абуруз и кардал машгъул жедай хъсан шартIар яратмишна кIанзавайди хуьруьн администрацияди вичин рикIелай ракъурнавач.
Алахьай йикъара  абур школадин вилик квай майдандал футбол, волейбол къугъвазва. ЧIимел вахтунда къунши хуьрерин спортзалра жезва. И кар фикирда кьуна «село Куркент» муниципальный тешкилатдин кьил Гьажалиев Радика и йикъара хьайи хуьруьн депутатрин Собранидал клубдикай спортзал туькIуьрунин меслят къалурна.
Сифтедай адан къене пата авай полар акъудна, цлар хкажна кIанда. И кардиз гзаф пулунин харжар герек къвезва.
Им гьелбетда, хуьруьн жегьилар патал гзаф хъсан кар я. И кардиз гьар са хуьруьнвидини вичивай жедай пулунин, зегьметдин куьмек гайитIа, лайихлу к1валах тир. Гъиле кьур кIвалах кьилизни акъатда. Чи са шумуд йис хьана хуьруьз яд хкиз, куьчейриз херхем гъиз. Вири и кIвалахар кьилизни акъатна. Спортзални туькIуьрна куьтягьна кьилиз акъатдайдахъ чун инанмиш я, - лагьана хуьруьн депутат Шихбабаев Гьуьсена вичин рахунра.
 

Адрес статьи: http://old.suleiman-stalskiy.ru/?com=articles&page=article&id=887