Сулейман-Стальский район Республики Дагестан
www.old.suleiman-stalskiy.ru

Шад гьалара ачухна

Школайра гатфарин каникулар башламиш хьунихъ галаз алакъалу яз, чи уьлкведин вири чкайра хьиз, чи райондин центральный библиотекадин кIелдайбурун залда «Аялрин ктабрин гьафте» кьиле тухун хъсан адетдиз элкъвенва.
19-мартдиз ина ктабрин гьафте шад гьалара ачухна. Аниз Кьасумхуьруьн 1 ва 2-нумрайрин школайрин аялриз ва райондин шаирриз теклифнавай.
Залда аквадай чкадал аялар патал кхьенвай ктабрин выставка ва гьакIни райондин художественный школада кIелзавай аялри янавай шикилрин «Сказочная радуга» кьил ганвай чIехи стенд акъуднавай.
Мярекат, аниз атанвай мугьманар тебрик авуналди ва и гьафтеда аялар патал гьар юкъуз тухудай серенжемрикай куьрелди  лугьуналди, ЦБС-дин директордин заместитель Гелин Рамазановади ачухна.
Анал аялри и библиотекадин работникрин куьмекни галаз ктабриз, талукьарна гьазурнавай гъвечIи сценкаяр къалурна, шиирар кIелна.
Шаирар тир Сажидин Саидгьасанова, Абидин Камилова ва Багьадин Къурдулова анал чпи аялриз, хайи чIалаз бахшна кхьенвай шиирар кIелна.
Эхирдай райондин библиотекадин жаванринни жегьилрин отделдин зеведиш Къурбанова Марала алай йисуз вичин 140 йисан юбилей къейдзавай чи чIехи шаир СтIал Сулейманан уьмуьрдиз ва яратмишунриз талукьарна жуьреба-жуьре шикиларни аваз гьазурнавай хурун журналдихъ галаз танишарна.
И мярекатда иштирак авур аялриз гъвечIи пишкешар гана.
 

Адрес статьи: http://old.suleiman-stalskiy.ru/?com=articles&page=article&id=884