Сулейман-Стальский район Республики Дагестан
www.old.suleiman-stalskiy.ru

Жуван район хкажайбур рикIел хкин

Малум тирвал, алай 2009-йис чи райондин тарихда са жерге лишанлу вакъиайралди тафаватлу я.
Дагъустандин халкьдин шаир СтIал Сулейманан 140 йис тамам жезвайди хьиз, алай йисан 3-июндиз чи район тешкилайдалай инихъ 80 йис ва Кьасумхуьруьн райондиз «Сулейман-Стальский район» тIвар гайидалай инихъни 40 йис тамам жезва.
Генани чи газет кIелзавайбуруз чир хьун патал къейд ийиз кIанзава хьи, 1928-йисан 22-ноябрдиз кьиле фейи 6-сеферда эвер ганвай ДАССР-дин ЦИК-дин IV-сессидал, виликан Куьре округдин сергьятда аваз, кьилдин кантон яз, чи райондин сергьят чара авуна ва 1929-йисан 3-июндиз ВЦИК-ди кьабулай къарардин бинедаллаз Кьасумхуьруьн район тешкилна.
Дагъустандин халкьдин шаир СтIал Сулейманан 100 йисан юбилейдихъ галаз алакъалу яз I969-йисан 12-майдиз акъудай РСФСР-дин Верховный Советдин Президиумдин Указдин бинедаллаз Кьасумхуьруьн райондиз «Сулейман-Стальский район» тIвар гана.
Чи район тешкилайдалай инихъ 80 йис тамам хьунихъ галаз алакъалу яз чаз и девирда чи райондин кьиле акъвазай регьберрикай, район яшайишдинни экономикадин жигьетдай вилик тухуник еке пай кутур, образованида, здравоохраненида, культурада, спортда еке гел тур ва халкьдин патай гьуьрмет къазанмишай чи баркаллу рухвайрикайни рушарикай газетда материалар гун меслят аквазва ва чна и кардик чи газет кIелзавай амай юлдашризни чпин пайни кутуниз эвер гузва.
 

Адрес статьи: http://old.suleiman-stalskiy.ru/?com=articles&page=article&id=865