Сулейман-Стальский район Республики Дагестан
www.old.suleiman-stalskiy.ru

КIвалахар башламиш хьанва

Малум тирвал, Дагъустандин халкьдин шаир СтIал Сулейманан 140 йис тамам хьунин юбилейдихъ галаз алакъалу яз адан мемориальный КIвал-музей ва адан гьаятар, чахчахар, варар ремонт авуна къайдадик кутун патал республикадин бюджетдай 916 агъзур манат (адан 20 процент чкадин бюджетдин гьисабдай) чара авунва.
И йикъара чун шаирдин музейдиз мугьман хьана ва ана ремонтрин кIвалахар кьиле физвай гьалдихъ галаз таниш хьана. Къейд ийиз кIанзава хьи, и кардал Махачкъалада кардик квай «Арси-2» фирмадин фялеяр машгъул я. Чеб Дахадаевский райондин Киша хуьряй тир жегьил устIарри и кардив эгечIай сифтегьан 4 юкъуз хейлин кIвалахар тамамарнавай ва йигин еришралди и кар давамарзавай.
Вичихъ галаз авур суьгьбетда эцигунардайбурун бригададин бригадир Гьажиев Мегьамеда къейд авурвал, герек вири материалар чкадал ала ва абуруз кIвалахдай, ял ядай къулай шартIар яратмишнава. Абурун кIвалахдин еридал и музейдин къуллугъчи Мамедов Фейзудинани гуьзчивал тухузва. Ада къейд авурвал, вири и ремонтрин кIвалахар ДР-дин культурадин министерстводин векил Къурбанов Мухтаран гуьзчивилик кваз кьиле физвайди я.
Чкадал музейдин гьаятра твадай плитаярни хкана гьазурнава. Эцигунардайбуру ремонтрин вири кIвалахар 1-майдалди акьалтIарун фикирдиз къачунва. КIвалахдин еришри абуру чпин гаф кардалди кьилиз акъуддайдан гьакъиндай ачух шагьидвалзава.
Гьакъикъатдани им чIехи шаирдин юбилейдиз хъсан савкьват жеда.
 

Адрес статьи: http://old.suleiman-stalskiy.ru/?com=articles&page=article&id=863