Сулейман-Стальский район Республики Дагестан
www.old.suleiman-stalskiy.ru

Нетижайри шадарзава

И мукьвара Виридуьньядин аялар хуьнин йикъаз талукьарна Дагестанские Огни шегьерда жаванрин арада боксдай турнир кьиле фена. Бязи маса турнирра  ва гьар дережадин чемпионатра хьиз, и спортдин акъажунрани чи райондин жегьилри мад сеферда чпин артуханвал ва устадвал къалурна.
Сифте нубатда заланвилин гьар категорийрай чпи 3 сад лагьай чкаяр кьур боксдай РФ-дин спортдин мастервиле кандидат Кьасумхуьруьн 1-нумрадин аялрин жаванрин спортшколадин КIварчагъа авай отделенидин тренер Альберт Межидован гъилик вердишвилер  къачузвай аялрин агалкьун къейд ийиз кIанзава. Ингье абур: Байрамбегов Мятегьи (32 кг), Мегьамедов Рагьим (40 кг) ва Гьуьсейнов Мугьамед (41 кг).
И акъажунра Герейханован хуьруьн аялринни жаванрин спортшколадин жегьил спортсменрин нетижаярни рикIер шадардайбур хьана. Кьилди къачуртIа,  и школадин Зизикрин хуьруьн отделенида тренер Яралиев Даиран гъилик боксдал машгъул жезвай Яралиев Къурбана 30 килограмм заланвал авай спортсменрин арада 1-чка, Алибегов Замира лагьайтIа 2-чка, гьакI, талукь тирвал, чпин заланвилин категорийрайни Шагьламазов Мирзебега (31 кг) ва Абумуслимова  Мурадани (44 кг)  2-призовой чкаяр кьуна.
Гьа и спортшколадин тренер Алибегов Шамила Цмурдал чирвилер гузвай аялрикай Сафаралиев Исади (31 кг) 1-чка, Саруханов Имамани (29 кг), Алиметов Рустама (42 кг)  2-призовой чкаяр кьуна.
Чаз чи жегьил спортсменрихъ ва абурун тренеррихъ гележегда кьиле фидай маса  чIехи турнирра ва чемпионатра мадни еке агалкьунар хьана кIанзава.
 

Адрес статьи: http://old.suleiman-stalskiy.ru/?com=articles&page=article&id=782