КIвалерин гьаятда скамейкадал ацукьнавай яшлу итимдивай пиян яз хтай Самеда хабар кьазва:
- Я халу, ина Самед гьи кIвале яшамиш жезвайди я?
- Самед вун я кьван, - мягьтел хьана яшлу итим.
- Самед зун тирди заз чизва. За вавай хабар кьазва: ам яшамиш жезвай кIвал гьим я?...
***
Экуьнахъ кIвалахал фидайла итимди вичин папаз лугьузва:
- Къе нянихъ тIурфан акъатдай хьтинди я.
- Вун къе кIвализ ички хъун тавуна хъша, са тIурфанни нянихъ акъатдач.
***
Тади кваз куьчедай физвай Керимавай адан дуст Селима хабар кьазва:
- Вуна гьиниз тади ийизва?
Экзамендиз.
- Къе экзамен гьи предметдай ава?
- Ам институтдиз фейила чир жеда.
***
Асрета вичин «Жигули» шегьре рекье лап зарбдиз гьалзава.
- Чан халадин, машин икI зарбдиз гьалмир, чарх хкатда, са чIуру кIвалах жеда, - яваш сесиналди лугьузва машинда ацукьнавай яшлу дишегьлиди.
- Ваз кичIе жемир, хала, чарх хкатайтIа, зи машинда артухан чарх авазва...