Малум тирвал, «Куьредин хабарар» газетдин редакцияди Дагъустандин халкьдин шаир СтIал Сулейманан 140 йисан юбилейдиз талукьарна лап хъсан макъала, шиир ва гьикая кхьинай конкурс малумарнай.
Мукьвара редколлегияди конкурсдин нетижаяр кьуна. ИкI, конкурсда 1-чка Хазран Кьасумоваз «Шииратдинни камалдин Шалбуз дагъ» (1000 манат), 2-чка Мегьамедсалигьан Сабираз «Зи бубадиз СтIал Сулейман мукьувай мидай» (800 манат) ва 3-чка Шагьабудин Шабатоваз «Сулейман-Сулейман я» (500 манат) макъалайрай гана.
Чна конкурсда приздин чкаяр кьур авторриз агалкьунар мубаракзава ва абурухъ яратмишунрин рекье мадни еке агалкьунар хьун кIанзава.