И йикъара чал мад са шад хабар агакьна: мукьвара Чехиядин Усти-над-Лабема шегьерда кьиле фейи международный турнирда чи баркаллу районэгьли, боксдай дуьньядин ва Европадин чемпион Альберт Селимова 60 килограмм заланвал авай спортсменрин арада 1-чка кьуна ва ам къизилдин медаль гуниз лайихлу хьана.
40-сеферда кьиле тухузвай и турнирда Австралиядай, Австридай, Армениядай, Белорусиядай, Венгриядай, Грециядай, Германиядай, Индиядай, Ирландиядай, Израилдай, Катардай, Молдавиядай, Монголиядай, Польшадай, Россиядай, Словакиядай ва Шотландиядай машгьур 87 спортсменди иштиракна.
Альберт Селимов 3 сеферда рингдиз экъечIна. Сифтедай ада Австралиядай тир Кэсселса Кэйнан винел вахтундилай вилик гъалибвал къазанмишна.
Белорус Кирилл Релихал ам (4:1) баллрин гьисабдалди гъалиб хьана. Финалда ам дуьньядин чемпионатдин иштиракчи Ирландиядай тир Эрик Донованахъ галаз женгиниз экъечIна ва Альберта адан винел (6:0) гьисабдалди гъалибвал къазанмишна.
И турнирда Дагъустандай тир мад са спортсмен Жамал Кьасумова + 91 кг. килограммдин заланвиляй 2-чка кьуна.