Сулейман-Стальский район Республики Дагестан
www.old.suleiman-stalskiy.ru

Эхиримжи зенг – Эминхуьр

Лезги поэзиядин классик Етим Эминан тIвар алай хуьруьн юкьван школада 2008-2009-кIелунин йис акьалтIаруниз талукьарнавай шадвилин мярекат хъсан тешкиллувал аваз кьиле фена. Анал рахай школадин директор Р. Османова къейд авурвал, алай кIелунин йисуз школада 500-дав агакьна аялри чирвилер ва тербия къачуна.

КIелунин, ахлакьдин, спортдин рекьерай школадихъ хъсан нетижаяр хьана. Кьилди къачуртIа, 18 аялди райондин школьникрин олимпиадайра 1, 2 ва 3-чкаяр, санлай олимпиадайрин нетижайрай школади районда 3-чка кьуна.
Р. Османова шадвилин линейкадал олимпиадайра тафаватлу хьайи, школа лап хъсан къиметар аваз акьалтIарзавай, гьакIни азаддаказ къуршахар кьунай райондин ва республиканский чемпионатрани турнирра кIвенкIвечи чкаяр кьур хейлин аялрив РУО-дин ва школадин дирекциядин Гьуьрметдин грамотаяр вахкана.
Вичин рахунрин эхирдай директорди аялриз, кьилди 36 кас выпускникриз къенин сувар мубаракна, абурухъ гьар са карда агалкьунар хьана кIанзавайди къейдна.
Шадвилин мярекатдал аялриз ва муаллимриз хуш келимаяр «Эминхуьр» поселенидин кьил Р.  Рамазанова, муаллимар тир З. Кьасумовади, А. Ражабовади, диде-бубайрин патай Ф.  Османовадини лагьана.
Выпускникар тир С. Рамазановади ва А. Селимовади школа акьалтIарзавайбурун тIварунихъай чпиз чирвилер ва тербия гунай школадин дирекциядиз, муаллимриз рикIин сидкьидай чухсагъул малумарна ва чеб бубайрин баркаллу крариз, Ватандиз вафалу жедайдахъ школадин педколлектив инанмишарна.
Вич и мярекатдал хуьруьн поселенидин  кьил Р. Рамазанован патай пулунин пишкеш, школадин дирекциядин патай Гьуьрметдин грамота гуниз лайихлу хьайи 1-классдин ученик, районда тухвай са шумуд килигунрин лауреат Р. Жигерова устадвилелди тамамарай манийри и шадвилин мярекат мадни гурлу авуна.
1-классдин ученица З. Мегьамедовади ва школа акьалтIарзавай К. Шерифова эхиримжи зенг ягъайдалай гуьгъуьниз школадин художественный самодеятельностдин коллективди чIехи концерт гана.

Адрес статьи: http://old.suleiman-stalskiy.ru/?com=articles&page=article&id=607