И йикъара чал Санкт-Петербургдай шад хабар агакьна. Чи районэгьли ЦIийихуьруьн юкьван школа хъсан къиметар аваз акьалтIарай ва гила и шегьерда кIелун давамарзавай Юзбегов Ислам Вагифович Санкт-Петербургда грэпплердай чIехи тIварцIиз лайихлу хьана. Ада и турнирда 2-чка кьуна.
И. В. Юзбегов 1996-йисуз ЦIийихуьре дидедиз хьана. ГъвечIи чIавалай спортдал рикI алай жегьил гадади школада хъсан къиметар аваз кIелунилай гъейри, ам спортдални машгъул хьана.
Ам школада амаз азаддаказ кьуршахар кьунал, боксдал машгъул хьана. Районда хьайи соревнованийра ада кIвенкIвечи чкаяр кьаз хьана.
Алай вахтунда Юзбегов Ислама Санкт-Петербургдин Северо-Западный институт Управления при Президенте РФ институтда хъсан къиметар аваз кIелзава.
Ада гьа са вахтунда Санкт-Петербургда боевой самбодай 2, MIX FINT единоборстводай 3-чкаяр кьуна.
Чаз адахъ кIелунра хьиз, спортдани чIехи агалкьунар хьана кIанзава.
Асият Мусаева