28-апрелдиз «Сулейман-Стальский район» муниципальный райондин депутатрин Собранидин 21-заседание кьиле фена. Адан кIвалахда муниципальный райондин Кьил, райондин депутатрин Собранидин Председатель Нариман Шамсудинович Абдулмуталибова, Дагъустан Республикадин Халкьдин Собранидин депутат, академик Гьамидулагь Исмаилович Мегьамедова, райондин администрациядин Кьил Штибег Гьажимегьамедович Мегьамедханова, адан заместителри, администрациядин жавабдар работникри, райондин Собранидин депутатри, хуьрерин поселенийрин кьилери, районда кардик квай къуллугърин ва общественный тешкилатрин руководителри, СМИ-дин векилри, гьялзавай месэладихъ галаз алакъалу пешекарри иштиракна.
Депутатрин фикирдиз агъадихъ галай месэлаяр гъана:
1. Россиядин МВД-дин Сулейман-Стальский отделдин начальник А.Г.Мирзаханован 2013-йисуз авур кIвалахдин гьакъиндай гьахъ-гьисаб.
2. «Сулейман-Стальский район» муниципальный райондин контрольно-счетный палатади 2013-йисуз авур кIвалахрин гьакъиндай гьахъ-гьисаб.
3. ЦIийи Макьарин сечкидин округдай райондин Собранидин депутат Агьмедов Роберт Сейфудиновичан депутатвилин векилвилер вахтундилай вилик акъвазарунин гьакъиндай.
Заседание кьиле тухвай Нариман Шамсудинович Абдулмуталибова лагьайвал, «Полициядин гьакъиндай» Федеральный закондин 8-статьядин 3-частунихъ галаз кьадайвал Россиядин МВД-дин
патал гаф отделдин начальник, полициядин подполковник Мирзаханов Абдулагь Герейхановичаз территориальный къуллугърин руководителар чпин кIвалахдикай са йисан къене са сефердилай тIимил тушиз гьахъ-гьисаб авуниз мажбур я.
2013-йисуз къенепатан крарин отделди тухвай оперативно-служебный кIвалахдин гьакъиндай гьахъ-гьисаб авун гана.
И месэладай заседанидал Испикрин хуьруьн поселенидин кьил Руслан Гьажимегьамедович Магьмудова, муниципальный райондин Кьилин патав гвай Общественный Советдин председателдин заместитель Ягъибег Рамазанович Ягъибегова чпин фикирар лагьана, отделди тухвай хъсан кIвалах къейдна, гьа са вахтунда кIвалах хъсанардай, районда хатасузвал мадни хъсан дережадиз акъуддай рекьерикай лагьана.
Депутатри сесер гуналди къарардин проект кьабулна ва отделди тухвай кIвалахдиз рази жедай къимет гана.
Заседанидал алай 2-месэладай доклад авун патал гаф муниципальный райондин контрольно-счетный палатадин председатель Керим Муртузалиевич Къагьримановаз гана.
Санлай къачурла депутатри контрольно-счетный палатади 2013-йисуз тухвай кIвалахдизни рази жедай къимет гана.
Нариман Шамсудинович Абдулмуталибова лагьайвал, вич наркоконтролдин органриз кIвалахал финихъ галаз алакъалу яз ЦIийи Макьарин сечкидин округдай райондин Собранидин депутатвилин везифайрикай вахтундилай вилик азад авунин патахъай Агьмедов Роберт Сейфудиновичалай арза атанва.
И месэладайни депутатри талукь къарар кьабулна.
Дагъустан Республикадин Халкьдин Собранидин депутат Гьамидулагь Исмаилович Мегьамедова вичи сечкичийрин тапшуругъар кьилиз акъудунин патахъай тухузвай кIвалахдин гьакъиндайни, талукь мисалар гъиз, метлеблу рахунар авуна.
Заседанидал жуьреба-жуьре маса важиблу месэлайризни килигна.