Алай йисан мартдин вацран эхирра Р. Гьамзатован тIварунихъ галай ДР-дин милли библиотекада республикадин аялрин художественный ва искусстводин школайрин арада «Весенняя фантазия» декоративно-прикладной искусстводай выставка кьиле фена.
И мярекат республикадин учебно-методический центрди тешкилнавайди тир. «Батик» ва «Мягкая игрушка» номинацийрай чи жегьил художникрин кIвалахар библиотекадин фойеда эцигнавай. Чи райондин художественный школадини «Батик» номинациядай чпи авур кIвалахар къалурна.
Жюриди нетижаяр кьурла и школада кIелзавайбур тир Эмирбекова Алина ва Ашурбекова Лейла 3-дережадин дипломриз, аялрин кIвалахар вытавкадиз гьазурай муаллимар тир Агьмедова Бажихалум, Мирзегьасанов Эмираслан, Мусаева Саимат грамотайриз лайихлу хьана.
Къейд авуна кIанда хьи, школади са шумуд йисуз республикадин, вирироссиядин конкурсрани иштиракна, абур гьар жуьредин наградайриз лайихлу хьана.
Асият Мусаева