Сулейман-Стальский район Республики Дагестан
www.old.suleiman-stalskiy.ru

Чун нин патав фида?

Гьуьрметлу райондин «Куьредин хабарар» газетдин редакция. Квез чи райондин Асалдхуьруьн агьалийрин тIварцIихъай и чар кхьизвайди и хуьруьн тамам тушир юкьван школадин (Асаликентская ООШ) муаллим ва агъсакъал Магьмудов Садикь Балабегович я. Заз сифте нубатда лугьуз кIанзава: чухсагъул райондин руководстводиз эхиримжи йисара чи гуьне патан хуьрерихъ чин элкъуьрунай, чи дердийрикай хабар кьунай. Кьилди къачуртIа, Испик патаз къведай муьгъ вацIу тухун тавун патал серенжемар кьабулунай, «сельсовет Шихикентский» поселенидин администрациядин цIийи дарамат эцигунай, и дередин хуьрериз тIебиатдин газ гъунин патахъай къайгъударвал авунай ва икI мад…

Гуьне патан хуьрерин школайриз тIебиатдин газ гъунихъ галаз сад хьиз, эхиримжи йисара, Испикрилай эгечIна, са-са хуьруьз агьалияр патал тIебиатдин газдин линияр тухун давамарзава. Алай вахтунда и кIвалах Пиперхуьре кьиле физва.
Алатай 2013- йисан эхирра чи Асалдхуьрени и кIвалах хъсан еришривди башламишнай, саки чIехи пай куьчейра турбаярни (линияр) тухвана. Ихьтин еришралди давамарайтIа Яран суваралди вири кIвалера газ ишлемишдайдак умуд кваз гзафбуру бес кьадар цIам-кIарас гьазурунизни артух фикир ганач. Республикадай алай йисуз чи хуьр патал пулунин такьатар чара тавун себеб яз и кIвалах акъваз хьана. Нетижада, чаз я газ хьанач, я баллонра газ цадай чка райондай жагъизвач, я вилик вахтара хьиз баллонра авай газ гъидай къуллугъарни амач. Бес чун нин патав фида?
ТIалабда чаз са куьмек гун.
 

Адрес статьи: http://old.suleiman-stalskiy.ru/?com=articles&page=article&id=5033