Сулейман-Стальский район Республики Дагестан
www.old.suleiman-stalskiy.ru

Жегьил багъманчи

Вичиз гьахълудаказ зегьметкеш инсанрин хуьр лугьузвай Эминхуьре «Аламишинский» ГУП, «ЧIере» ООО, лежбервилинни фермервилин са шумуд майишат кардик ква. Идалайни гъейри, саки 20 касди багъманчивилин ва уьзуьмчивилин хилера арендаторар яз кIвалахзава. Абурукай сад Батманов Абдурагьман я. Гьеле жегьил ятIани, ам чилин къадир авай, зегьметдал рикI алай кас я.

 -Зи диде-буба чпин вири уьмуьрда чилел зегьмет чIугур, лугьудайвал, гъилералди къазанмишай гьалалдин фу тIуьр инсанар я,-лугьузва Абдурагьмана.-Идахъ галаз санал, абуру чунни, веледарни, гъвечIи чIавалай зегьметдал рикI алаз тербияламишна, чIехи авуна.

А.Батманован 8 гектар багъ чешне къачуниз лайихлу гьалда ава. Жегьил багъманчиди тарарин пунариз пер ягъунин, кьурай ва герек авачир хилер атIунин, ятар гунин ва маса кIвалахар устаддаказ кьилиз акъудзава, хсуси трактордалди багълара жергейрин араяр цунин, культивациядин, дарманар ягъунин кIвалахарни  тамамарзава.
 
Хазран Кьасумов
 
Адрес статьи: http://old.suleiman-stalskiy.ru/?com=articles&page=article&id=4987