Мукьвара чун «Кьасумхуьруьн 1-нумрадин аялрин бахча» МБДОУ-диз фена, ана кIвалахар тешкилнавай гьалдихъ галаз таниш хьана. Чна гьасятда фикир гана, ясли-бахча виликан йисара эцигай куьгьне дараматда кардик кIватIани, ана бицIекриз школадилай виликан чирвилер гудай, абурун зигьин, кьатIунар артухардай хъсан шартIар яратмишнава. Аялрин бахчадин заведующийвиле вичихъ кIвалахдин 34 йисан тежриба авай РФ-дин образованидин гьуьрметлу работник Тавсият Мейлановади кIвалахзава.
Аялрихъ галаз чпихъ педагогический рекьяй махсус чирвилер авай 14 касди кIвалах тухузва. Ина физкультурадин, английский чIал чирзавай, «Кар алакьдай гъилер», милли кьуьлерин ва маса кружокар кардик ква. Абурун кIвалахда бицIекри ашкъидивди иштиракзава.