Эхиримжи йисара «Сулейман-Стальский район» муниципальный районда социально-экономический рекьерай хъсанвилихъ кьиле физвай дегишвилерик кьилдин ксари-инвесторри кутазвай пай екеди я. Мадни шадвал кутадай кар ам я хьи, жуван район, хуьр-кIвал аваданламишунин кIвалахриз чпин пулунин такьатар серфзавай мерд инсанрин кьадар йисандавай-суз артух жезва. ИкI, алай йисуз стхаяр тир Лазир ва Тельман Амираслановри чпин пулунин такьатралди хайиди тир Татарханрин хуьр газдалди таъминарунин кIвалахар кьиле тухузва. Хайи хуьруьхъ рикI кузвай стхайри гъиле кьур баркаллу и кIвалахар подрядчик тир «Росюгстрой» ООО-ди тамамарзава.