И йикъара Зизикрин хуьруьн Культурадин кIвалини библиотекади санал гьазурнавай, Дагъустандин литературадин классик СтIал Сулейманан уьмуьрдиз ва яратмишунриз талукьарнавай мярекат кьиле фена.
Ам клубдин заведующий Эскендарова Анахалума ачухна. Мярекатдал Зизикрин юкьван школадин муаллим Гьажибалаева Салията шаирдин уьмуьрдикай ва яратмишунрикай гегьенш рахунар авуна. Анал шаирдин яратмишунрал рикI алайбур тир Д.Абдуселимовади, О.Мирземагьамедовади, К.Айдемировади СтIал Сулейманан шиирар хуралай кIелна. КIелдайбурун залда шаирдин ктабрин выставкани ачухнавай. Мярекатдин эхирдай художественный самодеятельностдин коллективди концерт гана.