Муниципальный районда лишанлу мярекатар кьиле тухун патал тешкилнавай комитетдин нубатдин заседание алатай гьафтеда Цмуррин хуьре кьиле фена.
Анал и хуьре эцигзавай ва алай йисан 5-майдиз ачухун лазим тир Гъалибвилин музейдихъ галаз алакъалу месэладиз килигна. Райондин администрациядин кьилин ва комитетдин председателдин заместитель Савин Велиева музейдин дараматдин вилик квай чкаяр аваданламишунин, Ватандин ч1ехи дяведин ва далу патан зегьметдин фронтдин иштиракчияр хьайи хуьруьнвийрикай делилар к1ват1унин, шикилар жагъурунин к1валахар кьиле физвай гьалдикай информация авуна.