Алай йисан 3-февралдиз «Сулейман-Стальский район» муниципальный райондин депутатрин Собранидин нубатдин заседание кьиле фена.
Адан кIвалахда Собранидин депутатри, администрациядин управленийринни отделрин, организацийринни карханайрин руководителри, хуьрерин поселенийрин кьилери, районда кардик квай общественный тешкилатрин векилри иштиракна.
Заседание муниципальный райондин Кьил, райондин депутатрин Собранидин Председатель Нариман Шамсудинович Абдулмуталибова ачухна ва кьиле тухвана.
Заседанидал агъадихъ галай месэлайриз килигна:
1) Муниципальный райондин администрациядин къурулушда дегишвилер тунин ва муниципальный райондин чкадин самоуправленидин органрин работникрин штатдин тайин кьадар тестикьарунин гьакъиндай.
2) Администрациядин Кьилин заместителвиле тайинарун патал разивал гунин гьакъиндай.
3) «Сулейман-Стальский район» муниципальный административный комиссиядин состав тестикьарунин гьакъиндай.
4) 2013-йисан ва 2014-2015-йисарин пландин девирда муниципальный райондин администрациядин «УКС» муниципальный тапшуругъ тестикьарунин гьакъиндай.
5) 2014-йисан ва 2015-2016-йисарин пландин девирдин муниципальный райондин администрациядин «УКС» муниципальный тапшуругъ тестикьарунин гьакъиндай.
6) 2014-йисан ва 2015-2016-йисарин «Муниципальный эменнидин ва чилер ишлемишунин управление» МБУ-дин муниципальный тапшуругъ тестикьарунин гьакъиндай.
7) Чилин налогдин гьакъиндай.
8) «2014-2016-йисара муниципальный райондин агьалийрин правовой культура хкажун» муниципальный тайин метлебдин программа тестикьарунин гьакъиндай.
9) «2014-2016-йисара муниципальный районда гъвечIи ва юкьван карчивал вилик тухун» муниципальный программа тестикьарунин гьакъиндай.
10) Муниципальный райондин рекьерин фонд арадал гъунин гьакъиндай.
11) 2014-йис патал муниципальный бюджетдик дегишвилер кухтунин гьакъиндай.
Заседанидал алай 1 ва 2- месэлайрай райондин администрациядин кьилин заместитель, аппаратдин руководитель Р.А.Абдулазизова,3,4,5 ва 6- месэлайрай администрациядин кьилин сад лагьай заместитель Л.А.Оруджева, 7-месэладай администрациядин экономикадин отделдин начальникдин везифаяр тамамарзавайди тир С.А.Вагьабовади, 8-месэладай правовой отделдин начальник М.М.Исмаилова, 9-месэладай экономикадин отделдин пешекар Н.А.Аллагьвердиева, 11-месэладай райондин финансовый отделдин начальник М.Т.Рагьимова информацияр авуна.
«Сулейман-Стальский район» муниципальный райондин Уставдин 33-статьядин 3-частунихъ галаз кьадайвал заседанидал Собранидин депутатри экономикадин ва финансрин рекьяй администрациядин кьилин заместителвиле Саид Мусинович Темирханов ва общественный хатасузвилин рекьяй администрациядин кьилин заместителвиле Гьажиагьмед Мегьамедович Гьажимегьамедов хкягъуниз разивал гана.
Заседанидал гьялай месэлайрай талукь къарарар, муниципальный программаяр кьабулна.
Заседанидин нетижаяр кьуналди, Нариман Шамсудинович Абдулмуталибова гьялай месэлайрин ва кьабулай программайрин важиблувал къейдна, вилик акъвазнавай месэлаяр кьилиз акъудунин патахъай теклифар гана, меслятар къалурна.