Россиядин Федерациядин Силисдин Комитетдин Председателдин приказар ва къалурунар, гьакIни коллегийрин къарарар кьилиз акъудуналди, РФ-дин Силисдин комитетдин ДР-да авай Силисдин управленидин Сулейман-Стальский районрин уртах силисдин отделди 4 районда (Сулейман-Стальский, Агъул, Хив, Кьурагь) законлувал ва къайдаяр хуьнин, силисдин кIвалахдин менфятлувал хкажунин жигьетдай тайин кIвалах тухвана.
2013-йисуз Сулейман-Стальский МРСО-да тахсиркарвилерин гьакъиндай 128 хабар гун регистрация авуна. Абурукай 63 арзадай уголовный делояр къарагъарнава, 49-дай уголовный делояр къарагъаруникай отказ авунин къарар кьабулна, 14 арза силис давамарун патал рекье туна.
Атанвай хабаррикай 9, тахсиркарвилер къалурзавай лишанар авачиз, мейитар жагъунихъ галаз алакъалубур тир. Абурай а чкайрал силисчияр вахтундамаз фин тешкилна.
Вири 2013-йисуз Сулейман-Стальский районрин уртах силисдин отделда 86 уголовный дело авай. Абурукай 43 уголовный дело тахсиркарвилерин заключениярни галаз суддиз рекье туна, 6 РФ-дин УПК-дин 208-статьядин 1-паюнин 1-частунихъ галаз кьадайвал акъвазарна, 7 уголовное дело маса са уголовный делодихъ галаз сад авуна, 6-силис давамариз рекье туна, 7-акъвазарна, йисан эхирдалди гьахъ-гьисабдин девирда куьтягь тавунвай 17 уголовный дело ама.
РФ-дин СК-дин ДР-да авай СУ-дин районрин уртах Сулейман-Стальский силисдин отдел агъадихъ галай адресдин дараматда ава: Кьасумхуьр, Ислягьвилин куьче, 4 «а».
Отделда адан гуьзчивилик квай сергьятда хьайи тахсиркарвилерин гьакъиндай гайи хабарар ахтармишун патал чкайрал фидай силисчийрин дежурствони тешкилнава.
Э.М.Рамазанов, РФ-дин СК-дин ДР-да авай СУ-дин Сулейман-Стальский МРСО-дин руководитель, юстициядин подполковник.