Дагъустан Республикадин здравоохраненидин министерстводин приказдалди республикадин шегьерра ва районра хаталу азар тир полиомелитдин аксина 6 вацралай 15 йисал кьван яшда авай аялриз духтурди дарманар гун лазим я. И кIвалах чи районда хъсандиз тешкилна. ИкI, ЦРБ-дин патав гвай поликлиникадин, гьакIни хуьрерин участковый больницайрин,амбулаторийрин, ФАП-рин ва медпунктарин духтурри пуд йикъан къене саки 13000 аялдиз и дарманар гана, агьалийрин арада профилактикадин кIвалах тухвана.