Кьасумхуьруьн 1-нумрадин ясли- бахчада 88 аялдиз тербия ва сифтегьан чирвилер гузва. И кIвалахрал, гьакIни бицIекрихъ гелкъуьнал 30 кас работникар машгъул жезва. Абурукай 14 педработникар, 7 тербиячияр я. Ясли-бахчадин заведующий Тавсият Мейлановади чаз хъсандиз кIвалахзавай пешекаррикай яз тербиячидин куьмекчи Алкадарская Айхалуман тIвар кьуна.
Малум хьайивал, А. Алкадарская вичин пешедал, аялрал рикI алай пешекар я. Ада бицIекрихъ галаз машгъулардай, абурун зигьин-кьатIунар хкаждай мярекатар тухузва.
А. Алкадарскаядин кIвалахдилай аялрин диде-бубайрини разивал ийизва.