1990-йисан 12-июндиз Россиядин халкьарин депутатрин Съездди Россиядин государстводин аслу туширвилин гьакъиндай Декларация кьабулна ва СССР-дин законрин винел Россиядин законрихъ артуханвал авайди малумарна. Россиядин Федерациядин Президентдин «Россиядин Федерациядин Государстводин суваррин гьакъиндай» Указдалди 1994-йисалай инихъ Россиядин Югъ гьар йисуз 12-июндиз къейд ийизва. Россиядин Югъ азадвилин, ислягьвилин ва закондинни гьахълувилин бинедаллаз вири инсанрин арада меслят хьунин сувар я.
12-июнь. И йикъалай конституциядин федерализмдин, барабарвилин ва амадагвилин принципрал бинеламиш хьанвай Россиядин цIийи государстводин тарих башламиш жезва. Россияди демократвилин, гражданвилин общество туькIуьрзава, ана гьар са гъвечIи ва чIехи халкьдиз, гьар са гражданиндиз вич адавай къакъудиз тежедай пай яз аквазва.
Са рахунни алачиз, 1990-йисан 12-июндиз кьабулнавай Декларация цIийиз туькIуьр хъувунвай Россия кIвачел ахкьалдарунин лишан я, и Декларацияди демократвилин общество туькIуьрунин шартIар таъминарна. Россиядин Федерациядин аслу туширвал вини дережадин мурадар- гьар са касдиз лайихлудаказ яшамиш жедай ихтияр таъминардай, чIал азаддаказ вилик тухун ва ишлемишун таъминардай мурадар, гьар са касдиз вичи хкянавай милли государственный ва милли культурайрин жуьрейра аваз вичин кьисмет вичи гьялдай ихтиярар гунин мурадар малумарна.
Ихьтин са кардикайни лугьун тавуна жедач. Россиядин Югъ- им гзафбуру цIийиз арадиз атанвай сувар яз гьисабзава. Россия гзаф виш йисара фейи тарихдин рехъ рикIелай ракъурна кIандач. Россиядин аслу туширвал - им чи ата- бубайрин къизгъин зегьметдин нетижа я. Россиядин аслу туширвал- им чпин чанарни гьайиф татана, уьлкведин сергьятрин мягькемвал хвейи рухвайрин ва рушарин кьегьалвилерин нетижа я. Россиядин аслу туширвал- им пачагьлугъ пайи- паяр авун патал ийизвай алахъунрин аксина акъвазнавай инсанрин алай девирдин дирибашвилерин тарих я.
Эхь, 12- июнь государстводин сувар яз къейдзава. Россиядин Югъ- им милли садвилин ва чи Ватандин алай вахтунин ва гележегдин патахъай вирибуру жавабдарвал гьисс авунин сувар я. Мубаракрай !