Райондин прокуратуради вичихъ артуханвал авай «Образование» милли проект уьмуьрдиз кечирмишунин жигьетдай законодательстводал амал ийизвай гьал ва гьа гьисабдай яз «Алай аямдин образовательный технологияр кардик кутазвай кьилди къачуртIа, райондин образованидин идарайра компьютердин сетар герек авачир маса информацийрикай ва технический такьатрикай хуьн таъминардай такьатралди таъминарнавай, санкция авачир кIелунинбур тушир сайтрикай хуьн тешкилнавай гьал ахтармишна.
КIелзавай аялар кIелунриз талукь тушир сайтрик экечIдай мумкинвал тIимиларун патал Россиядин образованидин ва илимдин Министерстводи герек тир методический ва справочный материалар аваз «Методические и справочные материалы для реализации комплексных мер по внедрению и использованию программно-технических средств, обеспечивающих исключению доступа обучающихся образовательных учреждений к ресурсам сети Интернет, содержащим информацию, несовместимую с задачами образования и воспитания» АС-283103-нумрадик кваз письмо гьазурна ва рекье туна. Винидихъ къейд авур методический ва справочный материалрин 3-разделдихъ галаз кьадайвал, умуми образованидин идарайрин руководителрин хиве Интернетдин сетдик менфятлувилелди ва хаталувал авачиз экечIун таъминарунин ва и кардал гуьзчивал тухудай кас тайинарунин жавабдарвал ава.
2008-йисуз вичихъ артуханвал авай «Образование» милли проектдин сергьятра аваз райондин чирвилер гунал машгъул идараяр компьютеррин программайралди ва кIелзавайбур экстремиствилин, фашиствилин ва порнографический сайтрик экечIуникай хуьн патал Интернетдик экечIун къайдадик кутадай (фильтрация ийидай) такьатралди таъминарнава.
Гьа са вахтунда, ахтармишунар кьиле тухудайла малум хьайивал, райондин чирвилер гудай 26 идарада школьникриз кIелунихъ галаз алакъалу тушир сайтрикай менфят къачунин вилик пад кьадай программаяр кардик кутунвач.
ИкI, ахтармишайла малум хьайивал, «Сардаркентская СОШ» МОУ-дин компьютердин техникада ахьтин программа авач. Ахтармишун кьиле тухудайла и мектебдин Интернетдин сетдик кутунвай компьютердай «КIвалин шартIара бомба гьикI гьазурда» лагьай суалдиз галай-галайвал вири инструкцияр гузвай маса сайтриз ачухдаказ экъечIиз жезва. Алава яз и компьютердай эротикадин маса сайтризни азаддаказ экъечIиз жезва. Ана и месэлайрал гуьзчивал тухудай жавабдар касни тайинарнавач.
1998-йисан 24-июлдиз 124 ФЗ-нумрадик кваз акъудай «Об основных гарантиях прав ребенка в Российской Федерации» Федеральный Закондин 3-статьядихъ галаз кьадайвал, аялрин интересар хуьн патал государстводин политикадин кьилин макьсадрикай сад аялар чIехи хьуниз куьмек гун ва абуруз физический, интеллектуальный, психический, руьгьдин ва духовный рекьерай вилик финиз чIурукIа таъсир ийизвай дуьшуьшрикай хуьн я.
Ахтармишунрин нетижайрин бинедаллаз райондин прокуратуради винидихъ къалурнавай чIуру гьалар арадай акъудуниз чирвилер гудай идарайрин директорар мажбур авун патал райондин суддиз 26 исковый арза рекье туна. Икьван чIавалди абурукай 16 арзадиз килигнава.