Вини СтIалрин хуьр къвердавай чIехи ва гуьрчег жезва. И кар патал хуьруьн администрациядин кьил Селим Казимова, гзаф хуьруьнвийри чалишмишвал ийизва.
Хуьре михьивилер авун патал жемятди мукьвара субботник тухвана. Ана цIудралди жегьилри, агъсакъалри, 10–11 - классра кIелзавай аялри иштиракна. Абуру аваданламишунин, михьивилер авунин рекьерай хейлин кIвалахар тухвана. Кьилди къачуртIа, элкъвена хуьруьн сурар сеткадалди кIевирна, цин хулер михьна ва масабур.
Хуьре чпин такьатралди хийирлу крар ийизвай инсанарни ава.
Субботникда иштиракай ва барка-ллу крар авурбуруз хуьруьнвийри чухсагъул лугьузва.