Вини СтIалрин юкьван школа аялриз дерин чирвилер ва тербия гунин жигьетдай районда вилик жергеда авайбурукай сад я. Диде – бубадин гуьзчивални алаз и мектеб хъсан къиметар аваз акьалтIарай гзаф аялри ВУЗ – ра ва юкьван махсус образованидин учрежденийра кIелун давамарзава. Ихьтинбурун жергедай яз чпи и школа лап хъсан къиметар аваз акьалтIарай, вири предметрай викторинайра, конкурсра, школадин, райондин олимпиадайра кIвенкIвечи чкаяр кьур Меликова Эльмиради, Мегьемеднабиева Угъланагъади, Шихнабиева Афисата ва Ярагьмедова Катяди (шикилда) чеб кIелиз экечIай чкайрани чпелай амайбуруз чешне къалурзава. Кьилди къачуртIа, Катяди (шикилда эрчIи патай кIвачел акъвазнавайди) Астрахандин, амай рушарини Дербентдин педучилищедин 1– курсуна лап хъсан къиметар аваз кIелзава.
Чаз абурухъ кIелунра, гележегдин уьмуьрда мадни еке агалкьунар хьана кIанзава. Ихьтин аялар неинки чпин диде – бубайрин, гьакI гьар са хуьруьн, школадин дамахни я.