30-январдиз Махачкъалада Урусрин драматический театрдин дараматда «Муаллимрин йис» ачухуниз талукьарнавай шадвилин мярекат кьиле фена. Ана Сулейман-Стальский райондай 10 касди иштиракна. Анал доклад авурбурун жергеда АгъастIалрин юкьван школадин муаллим, ДР-дин лайихлу муаллим, РФ-дин умуми образованидин лайихлу работник, «Знак Почета» ордендин ва са шумуд медалдин сагьиб Абдулмежидов Абдуселим Абдулмежидовични авай.
Ада къейд авурвал, муаллимвал чи хзандин пешедиз элкъвенва. Абдуселим Абдулмежидовича муаллимвиле кIвалахиз 62 йисалай виниз я, идакай 30 йисуз ам школадин директор я.